A Xunta considera necesario o establecemento de novas tarifas de acceso á alta tensión para contribuír á mellora da competitividade de Alcoa
Economía e Industria traballa no deseño dunha nova política enerxética que garanta a competitividade das empresas, que os fogares paguen un prezo axeitado e que o sistema sexa viable
O Conselleiro recalcou no Parlamento a importancia de asignar a cada tipoloxía de usuario os custos reais que supón para o sistema
Guerra recordou que “para xerar confianza nos axentes investidores é necesario un novo marco retributivo e xurídico baseado en mecanismos obxectivos, planificados e coñecidos por todos os sectores implicados”
Lembrou o conselleiro os apoios da Xunta a Alcoa para mellorar a eficiencia enerxética da compañía e facela máis competitiva
Santiago, 28 de marzo de 2012.- O conselleiro de Economía e Industria, Javier Guerra, defendeu hoxe no Parlamento a necesidade do establecemento de novas tarifas de acceso a alta tensión para contribuír á mellora competitiva de Alcoa. Salientou o conselleiro que Economía e Industria traballa no deseño dunha política enerxética que garanta a competitividade das empresas, que os fogares paguen un prezo axeitado e que o sistema sexa viable. Para conseguilo, a Consellería de Economía ten proposto a Comisión Nacional da Enerxía medidas necesarias no eido da regulación do sector eléctrico.
O conselleiro salientou, entre as fórmulas expostas, que “é necesaria a creación de novas tarifas de acceso a alta tensión, asignando a cada tipoloxía de usuario os custos reais que supón para o sistema” o que contribuiría á mellora competitiva de Alcoa, xa que na actualidade o sistema de transporte e distribución de enerxía eléctrica español non contempla tarifas específicas para tensións de 220 kV nin de 400 kV.
O titular de Economía e Industria fixo tamén fincapé en que “é necesario un marco retributivo e xurídico claro e estable” e incidiu en que “para xerar confianza nos axentes investidores o novo marco retributivo e xurídico debe basearse en mecanismos obxectivos, planificados e coñecidos por todos os sectores afectados”.
Guerra lembrou tamén que “para garantir a sostibilidade económico-financeira do sistema eléctrico é necesario eliminar a incerteza e a inestabilidade regulatoria polo que é imprescindible derrogar o Real Decreto 134/2010 polo que se establecen restricións por garantía de subministración co fin de promover o carbón nacional”, medida que incrementa o prezo da electricidade influíndo negativamente nas familias e na perda de competitividade do tecido empresarial, como é o caso de Alcoa, e que supuxo en 2011 un custo de 850 millóns de euros e o custo ambiental do aumento de emisión de CO2, que se cuantifica nunhas 409.000 toneladas anuais.
A prol da eficiencia enerxética de Alcoa
O Goberno galego aposta de maneira decidida polo incremento da competitividade que Alcoa está a manter en Galicia. Neste sentido, vén de firmar un convenio de colaboración para pór en marcha un proxecto de gasificación da planta da Coruña, que supón a mobilización duns investimentos de máis de 1,5 millóns de euros. O apoio de Economía e Industria a esta iniciativa supón a substitución do combustible actual, fuel-oil, por gas natural nos procesos produtivos da factoría na Coruña.
Estes cambios implican unha mellora moi importante dos procesos produtivos e un incremento dos aforros enerxéticos e económicos da compañía, xa que a substitución da enerxía procedente do fuel-oil por gas natural representa unha diminución das emisións de CO2 superior ao 26% (3.100 ton/ano).
Este convenio dá continuidade aos apoios da Consellería de Economía e Industria a Alcoa na súa aposta por modernizar e mellorar as plantas produtivas que posúe en Galicia. Neste sentido, cómpre lembrar tamén o apoio á posta en marcha de instalacións para o almacenamento de gas natural e a reconversión de fuel-oil a gas natural na planta de San Cibrao, facilitando unha movilización de investimentos de 2,6 millóns de euros na zona e dando o impulso definitivo ao inicio da tramitación do Gasoduto da Mariña.
Nota remitida
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
