O PP burelés apoia o plan de axuste formulado polo goberno municipal.
Considera “unha irresponsabilidade a ausencia dos grupos da oposición” ó pleno do xoves.
Os populares reiteran que “agora páganse os derroches de outros”.
Burela, a 31 de marzo de 2012.- O Partido Popular de Burela mostrou hoxe o seu absoluto apoio ó plano de axuste aprobado polo Concello de Burela no pleno celebrado o pasado xoves día 29. Desde as filas do PP, indicaron que “toca agora pagar os derroches de outros”, e lembraron que na relación de facturas enviada a Hacienda para o pago a proveedores “non figura ningunha da etapa anterior do PP, agás unhas facturas de Espina y Delfín, xa aclaradas no seu día polo actual alcalde, que o bipartito non foi capaz de pagar e por riba inflando máis ainda a débeda coa empresa, en contra do manifestado por Nieves Cando”.
Para os populares, o Plan de Axuste plantexado polo equipo que lidera González Barcia “é a única saída para que os autónomos e pequenas e medianas empresas poidan cobrar as súas facturas, e con eses cartos ir mantendo postos de traballo”.
Desde o PP burelés, afirman que “as declaracións de Nieves Cando están feitas desde a convicción de quen se sente culpable do desaguisado económico e do derroche dos últimos catro anos. Ninguén no seu sano xuicio pode afirmar que as facturas de 2011 corresponden na súa totalidade ó PP; todo ó contrario, o oitenta por cento das facturas de 2011 son ‘os marróns’ que o bipartito deixou, e máis ainda esta señora amante de gastar sen control os cartos de todos. Chega con lembrar o que disparou os gastos das festas patronais do pasado ano, ou que non foi capaz de asinar unha factura da súa delegación correspondente a un proveedor de Burela cun importe de máis de sete mil euros, o que demostra que o que menos lle importa é que os proveedores cobren”.
O PP pídelle a Nieves Cando que, “se hai algunha irregularidade ou discriminación no pago das facturas do concello, o que tén que facer é denuncialo no xulgado, e decir públicamente nomes de proveedores e empresas. É boa verdade que pensa o ladrón que todos son da súa condición”.
“As afirmacións de que o PP fai un ERE están na liña política habitual de Nieves Cando, sementar infundios. O equipo de goberno tén que adaptar os recursos que tén o concello á situación actual, e nese sentido terá sempre o apoio do Partido Popular”.
Para os populares, “a presunta subida de impostos da que fala a portavoz do Grupo Mixto non se axusta ó que indica o plan de axuste e demostra o seu descoñecemento da normativa vixente: a subida do IBI a partires de 2017 non suporá ningún incremento adicional sobre o que xa está establecido, e o imposto sobre plusvalías, que aplica o concello de Ribadeo, por exemplo, gobernado polo BNG, ou o de Lugo, onde gobernan PSOE e BNG, non grava os bens inmobles senón a compra-venda dos mesmos”.
Todo o indicado, segundo os populares, demostra que “unha vez máis, Nieves Cando deforma as cousas para tentar confundir ós veciños; ese camiño levouna a acadar un só concelleiro e que o BNG non fose capaz de conseguir grupo político propio no concello de Burela. Se segue así, tampouco o conseguirá nun futuro, porque unha persoa que estivo gobernando no concello hasta hai dez meses tén que presentar propostas e non limitarse ó que ela se limita, a confundir á xente sementando infundios que para nada se axustan á realidade”.
En relación coa ausencia dos grupos da oposición, o PP de Burela considera “unha enorme irresponsabilidade que non asistiran ó pleno. Preferiron facer folga, algo que consideramos lexítimo, pero esquceron que eles non son persoal contratado polo concello. Máis ben, teñen un contrato cos cidadáns, con todos, aqueles que lles votaron e aqueles que non lles votaron, e é precisamente nas sesións plenarias onde se debate os asuntos que lles afectan ó conxunto dos cidadáns”.
Para os populares, “o verdadeiro motivo da ausencia da oposición radica en que eles son os culpables da relación de facturas que houbo que enviar a Hacienda, e polo tanto son os culpables de que haxa que facer agora un plano de axuste. E como non saben dar a cara, non asistiron ó pleno, demostrando unha cobardía política sen igual”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
