Dous equipos de estudantes de Lugo, finalistas na competición do programa de formación empresarial RetoAlcoa
-Os gañadores desta competición empresarial coñeceranse o 27 de abril, nunha final presencial que terá lugar en Madrid
-A final inclúe o seminario “Oportunidades de Inserción Socio-Laboral”
O equipo FRIENDSS do Instituto de Educación Secundaria María Sarmiento de Viveiro e o equipo BADBOYS do Instituto de Educación Secundaria Rio Cabe de Monforte de Lemos quedaron finalistas da X edición da competición empresarial RetoAlcoa, promovida e patrocinada por Fundación Alcoa e organizada por Fundación Junior Achievement, na que participan 240 equipos de estudantes de secundaria e formación profesional das distintas comunidades nas que Alcoa está presente en España. Logo de catro meses de competición e de dúas roldas eliminatorias, RetoAlcoa xa ten os oito finalistas de 2012 que competirán na final presencial que terá lugar en Madrid o 27 de abril.
O resto dos oito equipos finalistas proveñen de Arteixo (A Coruña), Avilés (Asturias), Durango (Biscaia), Pozuelo de Alarcón (Madrid), Alacante e O Campello (Alacante).
A edición deste curso de RetoAlcoa arrincou a finais de 2011, cando setecentos vinte estudantes, que formaron 240 equipos, adoptaron o papel de directivos dunha empresa ficticia. Aínda que virtual, o desenvolvemento da competición está condicionado polos mesmos factores da evolución real do mercado, como o impacto dos movementos dos mercados e as decisións dos propios participantes en relación ao volume de produción, prezo, investimento en publicidade e investigación. Un total de 46 equipos lucenses participaron nesta edición do concurso, e catro deles, os equipos YANAL e MACLAREN (do Instituto de Educación Secundaria Rio Cabe) e os finalistas BADBOYS (tamén deste instituto) e FRIENDSS (do Instituto María Sarmiento), lideraron a clasificación para a zona de Lugo na segunda fase da competición.
Por cuarto ano consecutivo, ofrecerase o seminario “Oportunidades de Inserción Socio-Laboral”, no cal profesionais de diferentes áreas darán clases prácticas aos finalistas de RetoAlcoa, que terá lugar un día antes da gran final.
RetoAlcoa ten como obxectivo estimular o espírito emprendedor dos máis novos. Mediante unha competición emocionante e atractiva, os estudantes que participan poden aplicar de forma práctica os coñecementos adquiridos nas materias de matemáticas, administración de empresas e economía. Para que o programa cumpra os seus obxectivos educativos de xeito óptima, a tutela e asistencia dos profesores de cada centro é imprescindible.
Junior Achievement desenvolve programas educativos que proporcionan aos novos coñecementos básicos sobre os sistemas socioeconómicos que rexen a actividade empresarial, co fin de impulsar neles o espírito emprendedor.
Fundación Alcoa, que se sustenta dos seus propios activos financeiros, contribúe a mellorar a calidade de vida dos habitantes que forman parte das comunidades nas que Alcoa está presente, financiando proxectos de organizacións que melloran as oportunidades en educación e formación, saúde e seguridade, e de respecto ao medio ambiente. En San Ciprián, Alcoa conta cun complexo industrial que inclúe unha planta de alúmina e outra de aluminio primario.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
