O Concello convida aos cervenses a participar nas visitas á planta potabilizadora de A Senra que prepara o goberno local
-O obxectivo é que os veciños e as veciñas coñezan o funcionamento da ETAP e as súas instalacións
-Técnicos de Augas de Galicia e do Concello guiarán a visita e explicarán o proceso de tratamento e control da auga
Cervo, 14 de abril de 2012-O Concello de Cervo prepara unha serie de visitas á Estación de Tratamento de Auga Potable (ETAP) situada en A Senra co obxectivo de dar a coñecer á veciñanza o seu funcionamento e informar do proceso que segue o líquido elemento dende que chega á potabilizadora ata que sae pola billa dos fogares cervenses.
As visitas incluirán a explicación das distintas etapas de potabilización e control polas que pasa a auga ata ser apta para o consumo, así como un percorrido polas instalacións da planta. Persoal técnico de Augas de Galicia e do Concello encargaranse de achegar toda a información e de guiar aos visitantes a través deste equipamento.
Esta iniciativa está aberta a toda a veciñanza de Cervo, e as persoas que desexen participar nela poderán anotarse nas dependencias municipais, tanto na Casa do Concello cervense como na Casa da Cultura de San Ciprián. Deste xeito, unha vez coñecida a demanda, a administración local poderá planificar as distintas quendas e fixar as datas. O executivo cervense explica que a veciñanza dispón de toda a información sobre as visitas nun bando que vén de ser distribuído polo municipio.
“Con estas visitas pretendemos que los vecinos conozcan de cerca un equipamiento tan importante para un municipio como es la potabilizadora, que nos permite disponer en nuestras casas de un recurso tan vital como el agua” explica a edil de Medio Ambiente, Begoña Alonso. Por iso, “desde el Concello consideramos que estas visitas pueden ser muy útiles ya que permitirán enseñar su funcionamiento a aquellos vecinos que estén interesadas en descubrir un proceso invisible y desconocido para muchas personas”, engade Alonso.
A estación potabilizadora foi construída pola Xunta a través de Augas de Galicia e abastece aos fogares de Cervo e de Burela.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
