Cervo acollerá este domingo a Final Provincial de Baloncesto Feminino infantil
-Catro son os equipos participantes, dous clasificados da zona da Mariña e outros dous clasificados na competición celebrada en Lugo
-Os primeiros encontros terán lugar pola mañá, mentres pola tarde disputaranse as semifinais e a final
Cervo, 19 de abril de 2012-O Pavillón da Veiga, en San Ciprián, é o escenario escollido para a celebración da Final Provincial de Baloncesto Feminino da categoría de Infantil, que disputarán catro equipos: o Colexio María Otero e o Lourenzá Mondoñedo A, os clasificados da competición da zona da Mariña; e o María Auxiliadora e o Ensino, os clasificados da competición de Lugo.
O torneo comezará ás 10:30 horas co encontro entre o Colexio Martínez Otero e o María Auxiliadora. Ás 12:00 horas será a quenda do enfrontamento entre o Ensino e o Lourenzá Mondoñedo A. Xa pola tarde disputaranse as semifinais e a final. Ás 16:00 horas decidiranse o terceiro e o cuarto posto, e ás 18:00 horas terá lugar o encontro do que sairán as campioas do torneo provincial. Ao remate entregaranse as medallas e os trofeos.
A competición foi presentada esta mañá en Cervo, nun acto no que estiveron presentes o alcalde, Alfonso Villares, o edil de Deportes, José Ramón Soto e o xefe de servizo da Secretaría Xeral para o Deporte en Lugo, José Manuel Rozas Bello.
O xefe de servizo da Secretaría Xeral para o Deporte en Lugo asegurou que a elección de Cervo para a celebración desta final responde á “moi boa disposición que demostrou sempre o Concello cervense para acoller este tipo de eventos deportivos”. Rozas lembrou a participación deste municipio no plan Galicia Saudable da Xunta de Galicia, para a promoción do exercicio físico co obxectivo de combater a obesidade.
“Para nós é unha satisfacción poder acoller un momento tan decisivo desta competición como é a Final Provincial de Baloncesto Feminino na categoría infantil” explicou o delegado de Deportes cervense, “polo que ofrecemos a nosa total colaboración á organización en todo o necesario para o desenvolvemento do torneo”, engadiu o concelleiro. O torneo está organizado polo Servizo Provincial de Deportes da Xunta en Lugo, a delegación da Federación Galega de Baloncesto de Lugo e a Agrupación Deportiva A Mariña coa colaboración do Concello de Cervo.
Remitido
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
