A comisión técnica para a disolución do INLUDES reúnese cos representantes sindicais para fixar un calendario de traballo
– Gómez Besteiro, xunto a Lara Méndez, presidiu o encontro, no que participaron os presidentes do Comité de Empresa e da Xunta de Persoal, ambos de UXT
– O Presidente destacou o “bo clima” da xuntanza, “na que coincidimos en que este ano debe quedar completado o proceso, do que resultará unha administración máis eficiente”
A comisión técnica constituída pola Deputación de Lugo para disolvelo INLUDES, cuxos servizos se integrarán no organismo lugués para reforzar as prestacións que lles ofrece ós Concellos e optimizar recursos, mantivo este xoves no Pazo de San Marcos a súa primeira reunión cos representantes sindicais dos traballadores, cumpríndose deste xeito a palabra dada polo Presidente, José Ramón Gómez Besteiro, de integralos no proceso e “garantir un clima de consenso, colaboración e total transparencia”. Besteiro, xunto á Vicepresidenta Segunda, Lara Méndez, presidiu o encontro, no que participaron o presidente do Comité de Empresa da Deputación, José Domínguez Fernández, e a presidenta da Xunta de Persoal do organismo provincial, Ana María Abel Longarela, ambos de UXT. Esta reunión serviu para fixar un calendario de traballo, mantendo o prazo de 2013 para ter finalizado o proceso de disolución do INLUDES.
Neste senso, o Presidente provincial destacou o “bo clima” da reunión cos representantes sindicais, que pasan a formar parte deste xeito da comisión técnica aprobada pola Xunta de Goberno o 30 de marzo. “Estivemos de acordo en que a integración do persoal do INLUDES na Deputación, garantindo os seus dereitos económicos, debe quedar completada este ano”, explicou Gómez Besteiro, ademais de subliñar que o proceso “supón a redefinición das competencias da propia Deputación e del resultará unha administración máis eficiente e útil para os veciños, seguindo por un camiño no que levamos avanzando dende hai cinco anos”.
Elaborarase un estudo de situación
A comisión técnica para a disolución do INLUDES está composta pola Vicepresidenta Segunda, Lara Méndez López, o Secretario, a Interventora, o Director da Asesoría Xurídica e o xefe de Persoal da Deputación. A súa primeira función será a elaboración dun estudo sobre a situación económica, xurídica e persoal do organismo provincial cuxos resultados serán presentados en Xunta de Goberno durante o mes de maio. En base a este documento continuarase co proceso de disolución do INLUDES, un dos compromisos asumidos polo Presidente para este mandato, dentro da aposta pola máxima cooperación cos Concellos e o aforre de custes, optimizando recursos e eliminando duplicidades na administración. Precisamente, na reunión da Comisión de Deputacións Provinciais, Cabildos e Consellos Insulares da Federación Española de Municipios e Provincias (FEMP) que tivo lugar o pasado xoves e na que participou Gómez Besteiro, fíxose fincapé na necesidade de evitar duplicidades.
Un proceso iniciado o pasado ano
A Deputación iniciou xa o ano pasado o proceso de disolución do INLUDES comprometido polo Presidente, incorporando unha ducia dos seus traballadores a outros departamentos que cumprían de reforzo logo de que a institución luguesa se convertese na quinta entidade local en España que, con 25 millóns de euros, máis fondos comunitario recibiu. Por este motivo, estas áreas foron Fondos Europeos, Contratación e Intervención. Da mesma forma, dentro da aposta polo aforro de custes coa optimización dos recursos da administración, a institución provincial unificou a brigada de mantemento da Deputación, que antes se atopaba diversificada polos seus diferentes organismos dependentes e atendendo exclusivamente ás necesidades do seu espazo de traballo. Por exemplo, os 5 operarios do INLUDES só actuaban neste edificio. Agora, existe un único equipo composto por 20 persoas, que se sitúan nas instalacións do Hotel Miño. Deste xeito, optimizáronse recursos e aforráronse custes ó no ter que depender de empresas exteriores para, por exemplo, facerse cargo do mantemento dos novos xardíns da Deputación ou da recuperación dos pavillóns de Santa María, traballos que asumiu o equipo de mantemento.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
