O BNG DE FOZ EN CONTRA DO MEDICAMENTAZO E DAS MEDIDAS EDUCATIVAS IMPOSTAS POLO PP
“O PP quer implantar un sistema de beneficiencia social sen dereitos similar o das épocas predemocráticas” afirma Basanta
O portavoz municipal do BNG tamén afirmou que “imos volver ás aulas de 40 alumnos e alumnas onde unha educación de calidade e para todos era case imposible”
Foz, a 26 de abril de 2012.- O BNG levará dúas mocións por urxencia no pleno de hoxe instando á Xunta que rexeite o “repago” farmaceútico e máis as medidas en materia educativa aprobadas polo Goberno do Estado neste mes.
O pasado día 20 aprobouse en Consello de Ministros unha medida polo que os pensionistas, que actualmente non pagan nada polos medicamentos, deberán abonar un 10% do seu valor, cun límite de entre 8 e 18 euros ao mes, mentres que os traballadores activos, que xa abonan o 40% das receitas, verán elevada a súa achega até o 50% ou o 60%, en función da renda.
A todas vistas para o BNG esta nova medida é unha decisión inxusta e anti-social que afecta en maior medida aos galegos e galegas por ter das pensións máis baixas do Estado e por ter os salarios tamén máis baixos. Tamén é inxusta porque non é de recibo que unha persoa gañando máis de 100.000 euros ao ano pague só un 10% máis que unha que gañe 18.000 euros.
O sábado, 21 de abril, o PP tamén publicou no BOE o Real Decreto- Lei 14/2012, de 20 de abril, de medidas urxentes de racionalización do gasto público no ámbito educativo. Este decreto, entre as medidas que contén, permite as Administracións educativas ampliar ata un 20 % o número máximo de alumnos, a modificación da xornada lectiva do profesorado, a non cobertura durante os dez primeiros días de calquera baixa independentemente da súa duración, o aprazamento na implantación dos novos ciclos formativos ata o curso 2014-15 ou a suba das taxas universitarias. Todas estas medidas son contrarias á calidade do ensino, mais tamén ao dereito de igualdade de oportunidades, revelando unha concepción elitista do ensino.
Agora queda patente “que o PP enganou completamente á cidadanía durante a campaña electoral na que dixo que nunca tocaría a sanidade, nin a educación nin os servizos sociais e agora está a facer o contrario do que se comprometeu”, declarou Basanta, o portavoz municipal do BNG. Para o BNG antes de facer recortes no sistema público de sanidade e no educativo tería que realizarse unha nova fiscalidade que grave máis aos que máis teñen e persiga o fraude fiscal en vez de perdoar aos delincuentes como está a facer o PP. Tamén debería recortarse antes en gastos militares, en protocolo, en aportacións á Igrexa ou na eliminación de institucións obsoletas como algún ministerio ou as deputacións.
Con estas medidas contra o sistema sanitario e educativo está claro que o obxectivo final do PP é o de rematar cos piares do Estado de Benestar como son a sanidade e a educación públicas cara a un modelo dual, cun de beneficencia para unha maioría social e outro para quen o poda pagar despois da súa privatización.
Remitido
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
