O Observatorio da Mariña pola Igualdade demanda máis políticas de prevención e de mellora na atención directa ás vítimas de violencia machista
Os efectos da crise son demoledores para a sociedade en xeral pero nela as mulleres son dobremente agredidas, como cidadás e como mulleres. Mais cabe salientar e enfatizar que esta crise non é só unha crise económica, senón de valores. As medidas que os sistema actual está impoñendo non veñen máis que a favorecer a uns poucos e a prexudicar aínda máis á grande parte da poboación. Máis medidas deste tipo conlevan máis recesión, máis pobreza e maior feminización desa pobreza.
En consonancia con isto, o Observatorio da Mariña pola Igualdade alerta da redución nos orzamentos do Estado para o 2012 nas políticas dirixidas a paliar á violencia de xénero. O presuposto global da Delegación do Goberno para a Violencia de Xénero é de 23.905.000 euros, un 21% (6.457.180 de euros )menos que en 2011. Un 71% redúcese o presuposto destinado ás campañas publicitarias de sensibilización e contra a violencia machista, xa que se considera que o gasto publicitario non é prioritario. Afirman, desde o goberno, que se adicarían a reutilizar campañas xa existentes nas que a mensaxe siga de actualidade centrándose en soportes máis económicos como as redes sociais e internet.
Isto amosa unha clara falla de coñecemento da realidade. Primeiro, o deseño dunha campaña de publicidade faise en base a uns obxectivos definidos e un contexto determinado. Nun momento cambiante como no que estamos, cuestionamos que se poidan reciclar e reutilizar á lixeira as campañas. Unha gran maioría social non está nas redes sociais nin usa internet, e aínda hai moitas casas nas que non hai internet. A alfabetización dixital non é universal nin pública (e seguramente sexa ao primeiro que teñan que renunciar moitas familias nos vindeiros meses por mor da crise).
Vanse manter tres servizos: o servizo telefónico do 016, as pulseiras GPS para os agresores e o servizo teléfono de emerxencias con localizador da chamada e servizo as 24 horas (Atenpro). Nos presupostos deste ano non se contempla unha partida específica para o programa de reeducación de maltratadores, que supuña un millón de euros.
Ademais, hai que dicir que se evidencia unha total falta de sensibilidade coa problemática da violencia de xénero. Se ben os recortes existen en todas as áreas, o recorte orzamentario cébase coa igualdade e coa loita contra a violencia de xénero. Sofren estes un recorte de fondos superior ao que padece o presuposto total do ministerio do que dependen, Sanidade, Servizos Sociais e Igualdade. Este Departamento ten para este ano un 13,75 menos ( 2309 millóns de euros) A isto hai que engadirlle, xa que estamos ante un problema multidimensional e de carácter transversal, os recortes das áreas de educación e de Sanidade. De educación, porque a única prevención da violencia a longo prazo é a través da educación en igualdade. E na sanidade vai afectar na atención ás mulleres, no tempo para a detección da violencia, etc.
Estase a incumprir a lexislación vixente e isto está repercutindo en cuestións tan básicas como na atención ás propias vítimas de violencia de xénero. Esta semana morría en Madrid unha muller asasinada polo seu marido. Esta muller dera sinais do que estaba a acontecer. Fixera chamadas ao 016, os veciños avisaron á policía ante unha discusión de gravidade a horas intempestivas, e estes persoáronse alí e saltáronse o “abc básico”. Non se pode entrevistar á vítima e ao agresor xuntos. Os servizos de atención ás vítimas teñen que respostar ante calquera indicio.
Por todo isto, desde o Observatorio entendemos que é precisa unha delimitación de prioridades de gasto adaptadas á realidade social e en beneficio da maioría social:
– Máis inversión en campañas de sensibilización social. A cidadanía aínda non sabe ben que é a violencia de xénero, nin cómo parala ou qué recursos teñen as e os familiares, veciños/as e a propia vítima.
– Por outra parte, criticamos a falta de coordinación e de funcionamento dos diversos axentes (persoal das FCSE, da Xudicatura, da Avogacía, sanitario, dos Servizos Sociais) que interveñen na atención ás vítimas de violencia de xénero. Cónstanos a desinformación e trato humillante e revictimizador que sofren en moitas ocasións as mulleres que padecen violencia de xénero cando contan o que lles pasa, cando deciden dar o paso para denunciar. As veces, até que chega o último momento, até que as consecuencias se voltan irreparables como é a morte desa muller as súas testemuñas non resultan cribles. O asasinato desa muller en Madrid debe levar ao goberno do Estado a reprantexarse os orzamentos. As e os profesionais precisan formarse, ter a súa disposición recursos para ofertar ás mulleres. Son os gobernos estatais e autonómicos os que deben promover políticas activas de formación en violencia de xénero.
– Demandamos máis prevención e unha mellora na atención ás vítimas de violencia de xénero. A violencia machista asasinou xa a 15 mulleres en 4 meses do 2012.
Remitido
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
