As Deputacións, excluídas do Plan de Cooperación para a contratación de parados nos Concellos, por decisión unilateral da Xunta
– A institución provincial obrigada a pagar máis de 450.000 euros pola “mala xestión do PP”, que executaba obras sen expropiar terreos ou as comprometía cando nin sequera tiña fondos – García Porto subliña que “as herdanzas do PP obrígannos a aboar case a mesma cantidade que a Xunta recortou nas Axudas do Fogar para 66 municipios ou no programa Preescolar na Casa”
– O organismo provincial mellora a traida de auga en 5 núcleos rurais da Pontenova con 30.000 euros e dota de mobiliario e equipamento ó Centro Cultural de Castro de Rei con 50.000 euros
A vicevoceira provincial socialista, Pilar García Porto, avanzou hoxe que a Xunta de Galicia vén de excluir ás Deputacións do Plan de Cooperación para a contratación de parados nos Concellos. Pilar García salientou que “é a primeira vez na histoira desta iniciativa que os organismos provinciais quedamos fóra. Isto débese a unha decisión unilateral, inadmisible e inxustificada nos tempos que corren xa que a Executivo autonómico é coñecedor das múltiples prestacións e servizos que ofrecemos ós municipios ante os escasos recursos das entidades locais e fronte ós recortes e ameazas que reciben dos Goberno do PP”. O ano pasado o organismo lugués recibiu 100.000 euros, uns 15 millóns de pesetas, cos que deu emprego a 14 persoas que prestaron servizo nos departamentos de Fondos Europeos, Urbanismo, Cultura ou no Consorcio Provincial de Bombeiros. “Contamos cunha cantidade insignificativa se a comparamos coa achegada a municipios do PP”, subliñou.
Neste senso, destacou que os 8,3 millóns de euros que recibiu a provincia en 2011 foron “distribuidos de xeito partidista e sen ter en conta criterios fundamentais como a poboación”. E é que Quiroga foi o municipio que máis fondos recibiu con 959.195 euros, seguido de Cervo con 266.816 euros. Ambos os dous Concellos, tamén gobernados polo populares, teñan menos de 5.000 habitantes. En comparanza, o municipio lugués, o de maior número de habitantes na provincia contou cunha subvención de 260.790 euros.
En mostra deste reparto “distriminatorio” por parte da Xunta, García Porto puxo máis exemplos: Vilalba -260.952 euros-; Cospeito -256.034-; Palas de Rei -207.991 euros-; O Saviñao -162.277-; Barreiros -147.633 euros-; municipios, todos eles, gobernado polo Partido Popular. Mentres, os Concellos dirixidos polo PSOE lograron un 90% menos da media: As Nogais -35.410 euros-; Castroverde -36.533-; Cervantes -34.467-; Navia de Suarna -26.207 euros-; Negueira de Muñiz -18.440 euros-; Ribas de Sil -56.193 euros-; Samos -30.630- ou Triacastela -34.525 euros-. “Se se fixan todos son municipios pertencentes á Montaña e, por tanto, á zona que sufre o maior índice de despoboamento da provincia, con maior necesidade de iniciativas que fomenten a creación de emprego para combater a sangría demográfica”. A vicevoceira setenciou que “con estas cifras defínese a política do PP: abundancia para uns poucos e fame para os outros”.
Pagando débedas do PP
Ó respecto da Xunta de Goberno, García Porto deu conta dunha sentenza do Tribunal Superior de Xustiza que fixa o xustiprecio de 6 fincas en 416.442 euros. Son os terreos que o Partido Popular debería haber expropiado en 2005, previamente ó inicio das obras de acondicionamento da canle á marxe do Río Rato entre os parques Paradai e Sagrado Corazón. O PP executou estes traballos sen contar cos terreos, facendo que agora o Goberno Provincial teña que aboar a cantidade fixada polo TSXG. A sesión tamén acordou as cantidades fixadas polo Xurado de Expropiacións de Galicia, que suman 36.700 euros, pola expropiación de 24 fincas dentro do proxecto de acondicionamento da estrada de Acebo a Negueira de Muñiz, enmarcado no POL 2005. A vicevoceira explicou que, neste caso, son uns traballos contratados hai anos polo PP pero executados por este Goberno Provincial tras pactar cos veciños a entrada nos terreos para poder executar as melloras en 1,5 quilómetros deste vial mentres o Xurado de Expropiacións determinaba o xustiprecio.
En definitiva, aclarou a Deputada ó respecto de ambos os dous casos, “son herdanzas do Partido Popular que contrataba obras sen contar con cartos nin terreos ou as executaba sen realizar as expropiacións. A mala xestión do PP, obríganos agora a desenvolsar máis de 450.000 euros para facer xustiza cos veciños ós que os populares lles invadiron as súas fincas. Esta cantidade é case a mesma que a Xunta recortou co seu Decretazo nas Axudas no Fogar nos Concellos de menos de 2.000 habitantes da provincia e incluso superior ó recorte no programa de Preescolar na Casa”, remarcou.
E é que o Goberno galego eliminou a partida de 443.000 euros, que concedeu o ano pasado para as Axudas no Fogar en 66 municipios lugueses; un presuposto que xa sufría un drástico recorte con respecto a 2010 onde a aportación autonómica foi de 1,1 millóns de euros. Pola contra, a Deputación, cun orzamento infinitamente menor e sen competencias directas na materia, en 2010 outorgaba 500.000 euros, mantiña esta cantidade ó ano seguinte mentres a incrementou ata os 600.000 euros en 2012. Outra das aportacións autonómica que sufriu recortes foi o programa Preescolar na Casa con 300.000 euros menos, que obrigaron a un ERE que afectou a 45 profesionais. Mentres, o Goberno galego si mantivo os 400.000 euros para a retransmisión das Misas na televisión autónomica.
Actuacións ante a seca
Dentro da aposta pola máxima cooperación cos Concellos, a Xunta de Goberno aprobou a contratación do equipamento necesario para a mellora da traída de auga en 5 núcleos rurais do Concello da Pontenova, concretamente nas parroquias de Sanxés, Selas, Xudán, Beche e Rececende, por valor de 32.000 euros. “Ante a total ausencia de políticas de actuación da Xunta de Galicia para combater a seca e a falta de recursos municipais, a Deputación asiste ós 100 veciños destas localidades que, en ocasións anteriores, sobre todo en épocas estivais, xa tiveron problemas co subministro de auga, obrigando ó Concello a suministrárllela con motobomba”.
Castro de Rei
A sesión acordou a contratación do mobiliario e o equipamento de son e video para o único Centro Cultural de Castro de Rei por valor de 51.000 euros, financiados ó 100% pola Deputación. Con esta actuacións, a institución dota a estas instalacións do material necesario para o seu auditorio ou para os espazos multifunción onde se reúnen as asociacións da zona.
Remitido
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
