AS CONSELLERÍAS DE ECONOMÍA E INDUSTRIA E DO MEDIO RURAL E DO MAR POÑEN EN MARCHA UN PROXECTO PILOTO DE ILUMINACIÓN EXTERIOR PARA PROMOVER A EFICIENCIA ENERXÉTICA NO PORTO DE CELEIRO
A substitución de luminarias permitirá un aforro de ata o 55% no consumo enerxético na zona incluída no estudo
O consumo pasará de 50.000 kWh/ano a pouco máis de 22.500 kWh/ano, o que suporá un aforro de preto de 3.300 euros anuais na factura
Evitarase a emisión á atmosfera de 9.370 kg de CO2, cifra equivalente á plantación de 470 árbores
Viveiro, 3 de maio de 2012.- As consellerías de Economía e Industria e do Medio Rural e do Mar desenvolverán no Porto de Celeiro un proxecto piloto de iluminación pública exterior co que se promove a eficiencia enerxética da zona portuaria substituíndo as luminarias por outras máis eficientes, cun menor consumo, un custo de mantemento inferior, e unha mellor conservación ambiental. Así, a substitución destas lámpadas permitirá diminuír o consumo enerxético e, polo tanto, tamén o económico, na zona incluída no estudo ata nun 55%, segundo cálculos do Inega.
A actuación, que se desenvolverá ao abeiro do acordo de colaboración que esta mañá presentaron en Celeiro Eliseo Diéguez, director do Instituto Enerxético de Galicia (Inega), e o presidente de Portos de Galicia, José Juan Durán, levarase a cabo nos viais da zona sur próximos á lonxa.
Comprende a substitución de 63 luminarias convencionais por outras tipo LED que, dada a súa maior eficiencia, se poden regular en potencia e intensidade, reducindo o número de horas de uso. Isto, sumado ao seu menor consumo, traducirase nun aforro enerxético que permitirá pasar dos case 50.000 kWh/ano a pouco máis de 22.500 kWh/ano. Deste xeito, o Porto de Celeiro aforrará preto de 3.300 euros ao ano na factura, dos case 6.000 euros que abona actualmente. Ademais, espérase acadar un aforro anual de 475 euros no mantemento das instalacións. Así mesmo, a acción suporá una redución das emisión á atmosfera de de 9.370 kg de CO2 ao ano, cifra equivalente á plantación de 470 árbores.
O proxecto, que será desenvolvido pola empresa Tecno Solydi, conta cun orzamento total de 50.000 euros. Ademais da substitución das lámpadas por outras máis eficientes, a actuación comprende a instalación dun sistema de telexestión e dun control remoto en tempo real do consumo do alumeado.
Este proxecto únese a outros estudos e accións desenvolvidos por ambas consellerías para a implantación de medidas de aforro e eficiencia nas instalacións e actividades portuarias. Así, e grazas a colaboración entre Portos de Galicia e o Inega, no que vai de lexislatura téñense realizado estudos de viabilidade para a implantación de redes de recarga de vehículos eléctricos e para a implantación de plantas de coxeración – trixeración nos portos propiedade do ente autonómico, e desenvolvéronse auditorías enerxéticas nas diferentes iluminacións públicas no propio porto de Celeiro, en Ribeira e no Grove.
Remitido
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
