Imaxe da web ferreirosderiotorto.com
RIOTORTO .- O Concello de Riotorto convoca o concurso escolar “Os ferreiros de Riotorto” dirixido aos alumnos do terceiro ciclo de Educación Primaria -quinto e sexto curso- dos centros das comarcas de A Mariña, Terra Chá e Meira. O certame está dotado con un total de 600 euros, diplomas e lotes de artesanía. P prazo de presentación dos traballos remata o vindeiro día 18 de marzo.
Nota de Prensa
O CONCELLO DE RIOTORTO CONVOCA O CONCURSO ESCOLAR OS FERREIROS DE RIOTORTO.
Riotorto, 6 de marzo de 2009. O Concello de Riotorto que convoca o concurso escolar Os ferreiros de Riotorto lembra que o prazo de presentación dos traballos remata o vindeiro 18 de marzo.
TEMA
O tema dos traballos a presentar para esta primeira edición será “Os Ferreiros de Riotorto”, as súas costumes, os medios de traballo (mazo, fraguas, moas), a importancia da auga, a súa obra e a utilidade da mesma para o campo e a industria.
IDENTIFICACIÓN
Os traballos presentaranse por escrito en formato DIN A-4 onde se poderán incluir textos, fotos, debuxos,… Asimesmo deberán ser presentados en formato dixital CD para a súa posterior publicación na web www.ferreirosderiotorto.com. Farase constar o título así coma o número de participantes en cada traballo, o seu curso escolar, o nome do centro onde cursan os estudios e o nome do mestre que os tutelou.
CATEGORÍA
A categoría será única para os alumnos do 3º ciclo de Educación Primaria (5º e 6º curso) dos centros das comarcas da Mariña, Terra Chá e Meira.
GRUPOS DE TRABALLO
Os grupos de traballo terán un mínimo de 5 compoñentes dos cursos de 5º e/ou 6º de Educación Primaria e un máximo do número total de integrantes deses cursos.
PRESENTACIÓN e PRAZO
Os traballos poderán ser presentados no CONCELLO DE RIOTORTO, Praza das Rodrigas,1-27744 Riotorto (telef. contacto 663 811 412), ou ben remitilos por correo ou calquera outro transporte indicando no sobre “I CONCURSO ESCOLAR OS FERREIROS DE RIOTORTO”. O prazo de presentación remata o 18/03/09.
PREMIOS E DEREITO DE EXHIBICIÓN
Premiaranse aqueles taballos que mellor reflictan as bases do concurso (contido e información recollida) ao mesmo tempo que se valorará a presentación, deseño, encadernación,… establecéndose os seguintes premios:
1º Premio………………Dotado en 300 € + Diploma Acreditativo + Lote Artesanía do Ferro de Riotorto.
2º Premio………..……. Dotado en 200 € + Diploma Acreditativo + Lote Artesanía do Ferro de Riotorto.
3º Premio……………… Dotado en 100 € + Diploma Acreditativo + Lote Artesanía do Ferro de Riotorto.
Ningún premio quedará deserto, pasando a ser propiedade do Concello de Riotorto ou entidade na que este delegue os traballos premiados.
XURADO e ACTO PREMIACIÓN
O Concello de Riotorto designará un xurado para a calificación dos traballos presentados que emitirá o seu fallo nun acto público o día 04/04/09 ao que serán invitados os concursantes premiados, sendo condición, para que lles sexa entregado o premio, a súa asistencia (polo menos da metade do grupo de traballo). Será por conta da organización o traslado en autobús dos concursantes gañadores a este acto que se acompañará dunha visita didáctica ao Mazo da Fraga con demostración dos ferreiros de Riotorto, un obradoiro de xoguetes tradicionais e un picnic.
DEVOLUCIÓNS
Os traballos non premiados poderán ser devoltos aos concursantes despois da súa solicitude ou retirando os orixinais personalmente nas oficinas do Concello entre o día 6 de abril e 4 de maio do 2009. Rematado este prazo os traballos pasarán a formar parte do patrimonio do Concello.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
