A CIG ENSINO DENUNCIA QUE A XUNTA REDUCE NUN 62,5 % AS AXUDAS DE NORMALIZACIÓN LINGÜÍSTICA AOS CENTROS DE ENSINO DA MARIÑA
“O retraso na resolución fixo que os centros xa tiveran comprometidos os gastos e que agora non lles cheguen os cartos”
A Mariña, 14 de maio de 2012.- A CIG-Ensino ven de manifestar a súa denuncia pola redución tan drástica nas axudas que a Xunta de Galiza viña prestando aos centros de ensino da Mariña na normalización lingüística do noso idioma. Con respecto ao curso pasado, a redución é dun 62`5 % nas cantidades para sufragar parte dos gastos que os equipos de normalización lingüística dos centros fan en actividades escolares. Se comparamos as cifras coas do curso 2009-10 a redución é dun 75% menos.
Xa a principios deste ano, a CIG denunciara que os centros públicos tivesen que adiantar os gastos destas actividades do curso pasado para poder xustificalas en tempo e forma ao non ter aboado a Xunta, oito meses despois, as cantidades aprobadas. A esta situación hai que sumarlle que até xaneiro de 2012 os centros non tiveron coñecemento de que non se poderían solicitar axudas para actividades realizadas no primeiro trimestre do curso.
Agora, a menos de dous meses do remate do curso, os centros acaban de saber as cantidades exactas que lles outorga a Secretaría Xeral de Política Lingüística e que ascenden a 8.958 euros en total para os 33 centros de ensino da comarca da Mariña que as solicitaron. Isto quere dicir que a media da achega da Xunta é de 271 euros anual por centro para normalización lingüística, unhas cantidades totalmente insuficientes se queremos chegar a unha normalización progresiva do noso idioma, como ditamina a Lei de Normalización Lingüística. Ademais, pola falta de axilidade da Xunta, os centros xa tiñan comprometidos a maioría dos gastos das actividades realizadas durante o curso co que en moitos casos non chegan os cartos para pagar, tendo que sacalos doutras partidas e alterar a contabilidade dos centros.
Desde a CIG-Ensino queremos reiterar que todos estes atrasos e os recortes nas axudas –como as de normalización, a de comedores, ás de mantemento, bibliotecas, etc- acaban por afogar aos centros e impídenlles realizar cada vez máis actividades, empirorando a calidade educativa. Ao mesmo tempo que a CIG rexeita esta falta de planificación da Consellaría e esta agresión ao noso idioma, a CIG esixe que esta situación non se volva a repetir e que a Xunta aumente as axudas á normalización lingüística dos centros de ensino pois é fundamental para a recuperación social da lingua galega.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
