LETRAS GALEGAS
Dende que no ano 1963, por iniciativa do ilustre mariñán don Francisco Fernández del Riego a Real Academia Galega dispuxo a celebración dun Día dedicado á exaltación da cultura galega, e nomeadamente á língua, coa homenaxe a un persoeiro das nosas letras, a sociedade galega é fiel a tal consigna, e así o fixo onte, día 17 de maio, data sinalada no calendario a tal fin por coincidir coa publicación, en 1863, do libro de Rosalía de Castro “Cantares Gallegos” que historicamente significa o punto de partida do rexurdimento da cultura galega.
Nesa celebración, como non podía ser doutro xeito, participaron a grande maioría dos pobos da Mariña: con mais ou menos actividades; con maior ou menor entusiasmo, mais ou menos convencidos os seus promotores do interese da razón de ser de tal efeméride. Do variado programa que ó longo da bisbarra se ofrecía para disfrutar dos mesmos este cronista optou por achegarse a Cervo onde se anunciaba unha velada poético- musical que despertou o noso interese. No amplo e confortable salón de actos do concello asistimos a un entrañable acto que organizaban Airiños do Xunco, un histórico mariñán no labor divulgador da cultura da música e a danza galegas e o dueto Maika e Joani. Presentado o festival por Pablo Mosquera, presidente de Os Aventados, entusiasta e incombustible animador da actividade cultural da bisbarra, que fixo unha semblanza de Valentín Paz Andrade, persoeiro homenaxeado, do que leo uns poemas; o grupo de danza e pandereiteiras de Airiños do Xunco, coa donosura da que en tódalas actuación fan gala, puxeron a mais leda nota na celebración que tivo o broche de ouro coa intervención do dúo que, confesámolo, sorprendeunos tanto como nos entusiasmou coa interpretación dun repertorio tan variado como selecto, no que fundamentalmente cantaron poemas musicados dos grandes vates da nosa terra: Curros Enriquez, Celso Emilio Ferreiro, Rosalía de Castro ou Alvaro Cunqueiro, que foron obxecto dos entusiastas aplausos dos asistentes. O dito: un acto entrañable e moi digno polo que felicitamos ós seus organizadores: o grupo Airiños do Xunco, Os Aventados e o concello de Cervo.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
