Gómez Besteiro defende o novo papel das Deputacións nunha reunión con Rubalcaba perante 300 representantes do municipalismo
José Ramón Gómez Besteiro, Presidente da Deputación de Lugo e Secretario Xeral dos Socialistas da provincia luguesa, defendeu o novo papel das Deputacións no actual momento económico de crise, nun encontro con Alfredo Pérez Rubalcaba que tivo lugar esta mañá na sede socialista de Ferraz baixo o título “Un ano de gobernos locais”.
Gómez Besteiro foi un dos cinco cargos socialistas españoles seleccionados pola dirección do partido para expoñer as novas políticas que deben impulsar as Deputacións, Cabildos e Consellos Insulares. Xunto a Gómez Besteiro, único ponente sobre Deputacións, estiveron outros como Gaspar Zarrías, Secretario Federal de Cidades e de Política Municipal ou o propio Pérez Rubalcaba, que retrasou a súa chegada debido ás reunións de urxencia pola alerta de rescate a España.
Perante un foro de máis de trescentos representantes do mundo local, Gómez Besteiro a necesidade de afrontar retos como “a sostenibilidade do territorio e, por ende, o mantemento do Estado do Benestar dos cidadáns acadado no século pasado”. A razón fundamental da existencia das Deputacións radica, segundo relatou o Secretario Xeral dos Socialistas de Lugo, “na coordinación, cooperación e especialmente a concertación, a través dun traballo en rede que permite aplicar economías de escala”. Besteiro insistiu en que “despois de trinta anos de gobernos democráticos, é necesario un replantexamento da política local e, por tanto, tamén dos Gobernos Locais Intermedios que deberá estar presidida polo amplo consenso das modificacións lexislativas que se pretendan”.
Na súa intervención ante unha selección dos representantes socialistas do municipalismo, Gómez Besteiro recalcou que as Deputacións deben camiñar cara os municipios menores ós 20.000 habitantes, aínda que iso non ten que impedir colaboracións voluntarias cos que superen esta cifra en obxectivos comúns e de economía de escala. Por outra banda, explicou a necesidade de redefinir as competencias propias e impropias para que os gobernos locais podan recuperar o seu pulso, así como “profesionalizar a función directiva, implantar a xestión por obxectivos e resultados, o uso intensivo das tecnoloxías da información e intensificar os servicios non só públicos senón de calidade”
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
