O TROFEO CONDE DE FONTAO
A finais de 1968, o alcalde Beltrán convoca a unha ducia de focegos co fin de organizar as festas do ano seguinte. Os asistentes nomean presidente a Javier Morán e debátese sobre o programa das mesmas. Alguen expón a idea de ofrecer, como novidade, un torneo triangular de fútbol coa participación de equipos de sona. Aceptada a proposta comézase a traballar aportando cada quen as súas ideas, e tamén os seus medios, que podían ser de relacións persoais, que axudaran a lograr a presencia dos mellores equipos posibles nas condicións mais ventaxosas. O primeiro en aceptar a invitación foi o Pontevedra con quen Antonio Méndez Fanego, o popular “Jhonni” mantiña cordiais relacións. Pepe Beltrán comprométese a facer un par de xestións:co Sporting de Xixón e co Ilmo. Sr. Conde de Fontao, entón don Alfredo Moreno Uribe, para que, doando o trofeo, levase o seu nome. Ambas resultaron exitosas e en 1969 xogouse o I Trofeo Conde de Fontao entre o Pontevedra F.C. e Sporting de Xixón, de grande éxito deportivo e económico, que coñeceo 23 edicións; enfrentando a clubes de 1ª e 2ª división galegos, españois e portugueses. Cada ano facía o saque de honra a raíña das festas, nesta ocasión Mari Loli Rei Teixeiro.
No libro ”C.D. Foz: un Clube con historia propia” os autores contan polo miúdo o que foi a práctica futboleira en Foz dende os anos 20 do pasado século, e cómo o trofeo Conde de Fontao foi un fito, xurdido nos miserentos anos 60, que quedou na memoria colectiva, como acontecemento esperado e celebrado perante mais de dúas décadas, nas que á vila acudían afeccionados de toda a comarca, de Galicia e de fóra dela..O último encontro celebrouse en 1991 entre o Celta e o Avilés.
A faceta mais suliñable no historial do C.D. Foz foi a de canteira de xogadores, moitos dos cales formaron en plantillas de equipos de 2ª e 3ª División de Galicia e Asturias, fundamentalmente, e mesmo de Primeira. Non asumimos a verdade incondicional do verso de Jorge Manrique “cualquier tiempo pasado fue mejor”, pero hai moitas facetas do discurrir cidadán que, ó ollar o pasado, fan que nos invada a nostalxia. Síganos.
Suso Fernández
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
