O XOVES TERÁ LUGAR A ENTREGA DE DIPLOMAS DO PROGRAMA DE APOIO Á DEPENDENCIA DO QUE SE BENEFICIARON 18 PERSOAS DESDE O PASADO MES DE XANEIRO. DIANA DURÁN ANUNCIA QUE DITO PROGRAMA MUNICIPAL, PIONEIRO NA MARIÑA LUGUESA, VOLTARÁ EN SETEMBRO.
Burela, 12 de xuño de 2012. O vindeiro xoves, 14 de xuño, ás 12 horas, terá lugar no Centro de Día de Maiores de Burela a entrega de diplomas do Programa de apoio á dependencia que o Concello de Burela puxo en marcha o pasado 2 de xaneiro do presente ano. A concelleira de Servizos Sociais, Diana Durán, asegura que “con este acto queremos recoñecer a participación das persoas beneficiarias, a súa dedicación e o esforzo demostrado durante o seu desenvolvemento. Ademais do citado diploma, tamén lles será entregado un dossier a cada unha das persoas usuarias do programa, para que os leven aos seus domicilios, coa finalidade de que as familias tomen conciencia do impacto positivo producido nos seus maiores, obtendo uns resultados acadados froito do traballo personalizado e grupal”.
Este programa municipal, pioneiro na Mariña lucense, está dirixido ás persoas usuarias do Centro de Día de Maiores e ás persoas beneficiarias do Servizo de Axuda no Fogar Municipal, que en total son 18.
A edil popular sinala que “os obxectivos xerais son proporcionar unha intervención especializada ás persoas usuarias de modo que se contemplen e atendan dun modo integral as súas necesidades específicas, mellorando a súa calidade de vida mediante a promoción da súa autonomía e da aprendizaxe aplicada ao lecer, proporcionándolles así canles de participación social e comunitaria con actividades lúdicas”. E engade que “coma obxectivos específicos contémplase realizar plans de intervención personalizados, creando un espazo de participación e fomentando as relacións, dando sentido ao tempo libre e dinamizando ás persoas usuarias a través de distintas actividades evitando o sedentarismo e incrementando a súa autoestima, creando así ambientes e contornos estimulantes para favorecer a orientación espazo-temporal, estimulando habilidades cognitivas e físicas para manter e potenciar a autonomía, fomentando o sentimento de utilidade, así como a organización e desenvolvemento de horarios e rexistros de actividades diarias”.
O Programa de apoio á dependencia reanudarase despois do verán, segundo anuncia Diana Durán, “dada a boa acollida por parte das persoas usuarias retomarase o programa no mes de setembro para a súa continuidade”.
A proposta combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos. As entradas, cun prezo de 5 euros, poderán adquirirse no despacho de billetes desde unha hora antes do inicio. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Ambas destacaron o impacto cultural do evento deste sábado en Lugo. A gala, presentada por Trisha Fernández e Federico Pérez, contará con actuacións de Xabier Díaz, Adufeiras de Salitre e Mondra.
Estes servizos sumaranse aos que xa permanecen abertos habitualmente, como os do parque Pernas Peón. O Día das Tortillas, que se celebra o domingo anterior ao Domingo de Ramos, reúne cada ano a veciños e visitantes en varios espazos do municipio. Con esta medida, o Concello busca facilitar o desfrute da xornada e mellorar a comodidade das persoas asistentes. Desde o Concello de Viveiro lémbrase tamén a importancia de facer un uso responsable das instalacións públicas, de manter limpos os espazos naturais e de respectar as n
Afectarán aos seguintes servizos: Piscina: pechada. Duchas dos vestiarios: pechadas. Ximnasio e actividades en seco: abertos no horario habitual. O Concello agradece a comprensión da cidadanía.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
