BANDEIRAS AZUIS EN FOZ
Na mañán do venres, día 22, tivo lugar no entorno da praia focega de A Rapadoira o acto, sinxelo e austero, da entrega das bandeiras azuis coas que este ano foron recoñecidos unha chea de praias, portos deportivos e outras instalacións que teñen que ver co ámbito mariño na dimensión turística. O evento estivo presidido polo titular da Xunta e a el asistiron os alcaldes ou representantes dos distintos concellos galardonados e outras autoridades autonómicas e público en xeral.É ésta unha experiencia que, dun xeito ou doutro, ven celebrándose anualmente pero que, según se dixo alí, de hai un tempo a esta parte faise cada ano nunha praia- elexida en función de diversas consideracións – de cada comarca da nosa terra, e sen dúbida que todas son merecentes de tal honra. Polo que a Foz respecta, e tamén se díxo, hai 25 anos, ininterrumpidos, que A Rapadoira ven facéndose acreedora a tal galardón; ou sexa, dende que éste se implantou; e nese sentido pode decirse que, nalgunhas atencións, foi unha adiantada. A nós constanos documentalmente que hai cando menos 70 anos o areal contaba con servicio de vixianza, pois o 5 de agosto de 1942 o concelllo, presidido por Paco Maañón, acordou nomear encargado da mesma a Manuel Niñe Fraga, cuxa obriga e cometidos serían; “ provisto dun bote vixiar, co carácter de axente da autoridade, que os bañistas non se bañen en lugares peligrosos nen cometan actos inmorais, e acudir coa urxencia que o caso requira ó salvamento dos que se atopan en perigro. Esta vixianza realizarase dende as 8 da mañán ás 9 da noite de tódolos días. Tamén vixiará que non se depositen na praia cabezas de pescado nen outros obxetos, procedendo á súa limpeza e a denunciar a tódolos infractores, e percibirá o xornal de 12, — Pts. diarias”; e decir coidaría a un tempo, da seguridade, evitaría actos inmorais, e asistiría coa prontitude que o bote a remo permitira na práctica dos posibles salvamentos, coidaría da limpeza e actuaría de policía denunciandio ós infractores. Todo eso durante 13 horas ó día por 0,17 €.
Hai 20 anos a Acia-Foz organizara, a nivel de Galicia, un concurso de fotografía baixo o epígrafe “O Foz turístico”, con premios importantes, que acadou, pola participación e a calidade dos traballos, un considerable éxito. A entrega dos galardóns asistiron algunhas autoridades, entre elas Alfredo Sánchez Carro, á sazón delegado da presidencia da Xunta en Lugo; ós postres na súa alocución lembrou que polos anos 50 o nombraran Delegado Provincial de Salvamento e Socorrismo; de contado percorreo as praias do litoral e era a de Foz a única que contaba cos medios precarios da época para as funcións mencionadas. Foz, neste aspecto, foi un adiantado.
Suso Fernández
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
