A FACTURA DO ALUMEDO PÚBLICO DAS RÚAS DE BURELA REDUCIRÁSE DE MEDIA AO ANO NUNS 50.000 EUROS, TRAS O APAGADO DE PUNTOS DE LUZ. GONZÁLEZ BARCIA AGARDA QUE A MEDIDA, ADOPTADA HAI NOVE MESES, SEXA TRANSITORIA E QUE SE POIDA PROLONGAR COMO MOITO UN INVERNO MÁIS.
Burela, 25 de xuño de 2012. A factura do alumeado público das rúas burelesas reduciráse de media ao ano nuns 50.000 euros, segundo os datos aportados hoxe polo alcalde, José María González Barcia, despois do plan de aforro enerxético e económico posto en marcha hai uns 9 meses.
O rexedor lembrou que “en setembro do ano pasado desde o equipo de goberno decidimos, como medida de aforro e diante da baixada considerable de ingresos que estaba a ter o Concello, eliminar puntos de luz no alumeado público. Hai rúas de Burela onde agora mesmo hai un punto de luz encendido e outro apagado de forma alternativa”. González Barcia dixo que “esta medida ao principio xenerou un certo malestar entre a cidadanía porque cando hai algún tipo de axuste o lóxico e o normal é que a algúns cidadáns eso non lles guste. Agora é o momento de explicarlles cantos cartos estamos a aforrar con esa medida, e digo aforrar non no sentido de que eses cartos que se aforran se vaian a destinar a outra cousa, senón simplemente que si se produce unha baixada considerable de ingresos no Concello o que hai que facer é reducir gastos para aplicar a máxima de que non se gaste o que non se ten”.
O alcalde de Burela indicou que “por término medio cos datos que temos agora mesmo e despois de realizar unhas comparativas das facturas que nos foron chegando desde que comezamos a facer ese apagado e tendo en conta os datos que temos en canto a prezos de enerxía, etc… o aforro anual medio pode estar entre os 40 e os 50 mil euros, unha cifra importante. De feito o ano pasado había presupostados un total de 150.000 euros para o alumeado público das rúas de Burela, e neste 2012 contamos que non se gaste máis de 110.000 euros ou incluso que aínda esa cifra poida baixar. Estamos a falar dun aforro mínimo de 40.000 euros de media anual cos datos que manexamos neste momento. Agardo e confío que esa media de aforro continúe”.
González Barcia agarda que este plan de aforro enerxético e económico non se prolongo durante moito tempo, “pola nosa banda, a intención do equipo de goberno é que na medida en que se normalicen os ingresos do Concello ou aumenten o lóxico sería que os puntos de luz se vaian encendendo. Agardo e confío en que esta medida, como todas as que estamos tomando, sexa transitoria e que se poida prolongar como moito un inverno máis. E isto hai que decirllo aos veciños porque son os que realmente notan os efectos desa situación”. Para o rexedor burelés “a medida adoptóuse igual que outras. Son medidas que a nós tampouco nos gustan, pero hai que adoptar medidas cando baixan os ingresos para facerlles fronte aos gastos que temos. Os cidadáns entenden e comprenden a medida, aínda que non lles gusta, porque todos saben que un non debe gastar aquelo que non ten, e para que iso sexa así hai que axustar e un dos camiños para realizar ese axuste foi a adopción desta medida”.
O rexedor subliñou que “con cargo a ese plan de pago a proveedores o Concello de Burela abonóulle a EON 210.000 euros en facturas pendentes, algunha delas do ano 2010. Agora non se lle adebeda nada de épocas anteriores”
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
