RAQUEL ARIAS PRESENTA UNHA CAMPAÑA DE IDENTIFICACIÓN E PROMOCIÓN DO BONITO DO NORTE GALEGO, “QUE COMBINA VALORES NUTRICIONAIS PARA O CONSUMIDOR E ECONÓMICOS PARA O SECTOR”
A delegada territorial da Xunta mostrou as etiquetas identificadoras e o material promocional da nova edición de “Faino Bonito” no porto de Burela, que achega o maior volume de capturas de Galicia
Arias explicou que “cada peza que sae das lonxas galegas ten un precinto de garantía” para que os consumidores “coñezan a procedencia e os valores deste produto pescado con artes tradicionais
Burela, 26 de xuño de 2012.- A delegada territorial da Xunta, Raquel Arias, presentou hoxe no porto de Burela a nova edición da campaña Faino Bonito, que este ano distribuirá nos puntos de venda preto de 63.000 folletos e carteis, e deixará nas principais lonxas galegas de descarga de bonito do norte 380.000 precintos para identificar o produto.
Raquel Arias explicou que a campaña, que promove a Consellería do Medio Rural e do Mar, ten por obxecto “fomentar o consumo de bonito do norte fresco agora que nos atopamos en plena campaña de capturas” xa que, engadiu, este produto “combina valores nutricionais e culinarios para o consumidor e valores económicos para o sector pesqueiro”.
Ao respecto, lembrou que a lonxa de Burela é a que presenta un maior volume de descargas de bonito de norte –segundo as campañas, pode roldar o 70% do total-, seguida polas de A Coruña, Celeiro e Vigo, por esta orde.
Os portos galegos descargaron a pasada campaña 1,6 millóns de quilos de bonito do norte, que xeraron un movemento económico de 8.055.742 euros. O 72,4% dos quilos descargados e preto do 74% do volume económico corresponden aos portos mariñaos de Burela e Celeiro. En concreto, Burela achegou máis de 975.000 quilos e 4,9 millóns de euros de volume de negocio.
O bonito do norte que traen os pescadores galegos, afirmou a delegada, “é un produto de primeira calidade, capturado un a un con artes moi selectivas, o que significa que se practica unha pesca sostible, con claros beneficios medioambientais”.
É importante, engadiu, “que os consumidores coñezan a procedencia e os valores deste produto pescado con artes tradicionais”, e para elo “cada peza que sae das lonxas galegas ten un precinto de garantía”.
O distintivo consiste nunha etiqueta de cor verde suxeita á cola do animal, que leva un número de serie, a lenda que o identifica como bonito do norte, así como a lonxa na que foi descargado. A Secretaría Xeral do Mar distribuíu 380.000 precintos entre as lonxas citadas, a meirande parte deles destinados á de Burela.
Polo que respecta ao material promocional, a Xunta repartiu 61.900 folletos con receitas e 1.000 carteis para distribuír entre os consumidores nos puntos de venda, tanto galegos como doutros puntos de España.
No acto de presentación da campaña Faino bonito participaron tamén o alcalde de Burela, José María González Barcia; o xefe de coordinación do departamento de Mar, Pablo Fernández Asensio; o subdirector xeral de Pesca e Mercados da Pesca, Antonio Rodríguez Fernández, e os xerentes das lonxas de Burela e Celeiro, Miguel Neira e Alberto Parga, respectivamente.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
