O PP OPONSE Á ADOPCIÓN DE MEDIDAS PARA GARANTIR O FUTURO DE ALCOA EN GALIZA
Branco Parga defende unha proposición non de lei para o mantemento do emprego nas factorías da Coruña e da Mariña
Santiago de Compostela, 27 Xuño 2012.- O Partido Popular negou hoxe o seu respaldo aos traballadores e traballadoras de Alcoa da Mariña e da Coruña e votou en contra dunha proposición non de lei que tiña por obxecto requirir á multinacional o mantemento do emprego e das súas condicións socio-laborais.
A iniciativa nacionalista, defendida polo deputado Fernando Branco Parga, tiña tamén como obxectivo instar ao goberno da Xunta a demandar do estado unha tarifa eléctrica para a grande industria de Galiza, a prezo reducido e con contratos de longa duración que permita a viabilidade de Alcoa no País.
Asemade, urxía a presentación dun plan concreto, con datas precisas, para a implantación do gasoducto da Mariña, que permita o consumo de gas natural na empresa.
Futuro incerto
Branco Parga xustificou este debate ante o reciente anuncio da multinacional de reducir un 5 por cento a súa produción total nas plantas que ten en Europa, entre as que, en principio, está afectada a de Coruña, onde de feito xa hai un rre temporal dun ano para os seus 420 traballadores.
O deputado nacionalista advertiu de que a incerteza sobre o futuro de Alcoa tamén chega a San Cibrao, pois nun ano normal esta empresa consume o 20-25 por cento do consumo eléctrico total de Galiza, cuns prezos moi elevados que, ademais, están por revisar.
Para o parlamentar, non sería de estranar que unha multinacional destas características, que ten centros en todo o mundo e mesmo está a abrir un centro en Arabia Saudí,decidira cesar a súa actividade en Galiza, ante a dependencia enerxética que ten a uns prezos que son dos máis elevados de Europa.
Défice tarifario
Branco Parga lembrou que ás dificultades que existiron sempre polo défice tarifario, que está a piques de volver a fixar a súa tarifa nunha nova subasta hoxe mesmo que pode oscilar entre un mínimo dun 4 e un máximo dun 8 por cento, hai que engadir o real decreto de Marzo deste ano, do goberno de Rajoy, que encarece até nun 10 por cento o prezo do servizo de interrumpibilidade.
“É esta a política de apoio do PP para o desenvolvemento industrial?”, preguntou, e engadiu que “se non somos quen de reter unha empresa como Alcoa, para que queremos tanta produción enerxética en Galiza, que beneficio conseguimos se non podemos ofertar enerxía máis barata á nosa industria?”.
Discriminación territorial
Neste sentido, o deputado nacionalista defendeu a implantación dun sistema solidario como o sistema extrapeninsular, que fai que todas as comunidades asuman solidariamente os custes das illas e de Ceuta e Melilla. “Nós tamén queremos un elemento discriminatorio acorde coa nosa capacidade de produción”, dixo.
Para Fernando Branco Parga, cómpre defender a economía de Galiza e de comarcas que xa están sendo moi castigadas pola crise como A Mariña e A Coruña e obrigar tamén a Alcoa a que deixe de precarizar o traballo.
Gasoducto
Sobre o gasoducto, lamentou que o deputado do PP José Manuel Balseiro tentara responsabilizar aos veciños da demora dun ano nas obras. Para o parlamentar do BNG, non é de recibo que hai exactamente un ano o conselleiro se comprometera ao inicio das mesmas e agora que se comproba o seu incumprimento, o PP diga que é debido aos veciños e ao seu dereito a presentar alegacións.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
