UNHAS 5.000 PERSOAS PASARON POLA OFICINA DE TURISMO DE RIBADEO E POLO PUNTO DE INFORMACIÓN DAS CATEDRAIS NA PRIMEIRA QUINCENA DE XULLO. ANA MARTÍNEZ AMÓSASE SATISFEITA E SINALA QUE RIBADEO SEGUE A SER UN REFERENTE PARA MOITA XENTE QUE QUERE DISFRUTAR DAS SÚAS VACACIÓNS NO CONCELLO. A OCUPACIÓN HOTELEIRA RONDA O 80%.
Ribadeo, 18 de xullo de 2012. Unhas 5.000 persoas pasaron pola oficina de turismo de Ribadeo e polo punto de información da praia das Catedrais na primeira quincena do mes de xullo, segundo os datos que deu a coñecer esta mañá a concelleira de Turismo, Ana Martínez.
A edil nacionalista asegura que “a pesares da situación e do momento crítico que estamos a vivir Ribadeo segue a ser destino e un punto de referencia para moita xente que quere disfrutar das súas vacacións no noso concello. A cifra das 5.000 persoas que demandaron información turística en Ribadeo e nas Catedrais é un dato máis que significativo”.
Ana Martínez sinala que “o número de visitantes variou bastante entre a primeira e a segunda semana do mes de xullo, xa que se triplicaron os datos. Pola oficina de turismo de Ribadeo pasaron 1.000 persoas na primeira semana se xuño, namentras que na segunda fixérono máis de 1.600. E polo punto de información turística das Catedrais, que comezou a funcionar na segunda semana de xullo pasaron máis de 2.000 persoas”. A concelleira de Turismo subliña que “sempre falamos de datos rexistrados, o cal supón que o número de persoas que chegan a Ribadeo é moi superior. A información tamén se recaba en hoteis, comercios, restaurantes… Despois de consultar a falar cos hoteis estamos rondando o 80% de ocupación hoteleira estes días, aínda que hai casos que se aproximan ao 100%”.
Martínez descatou “a acollida que está a ter a credencial do viaxeiro ribadense e que é gratificante para nós, dado o esforzo que supuxo poñela a andar hai unha semana. Toda a xente que acude á praia das Catedrais e fai a ruta de volta a Ribadeo que lle propoñemos, fotografiando algunhas zonas, obtén esa credencial que é unha acuarela dun artista local. Esas persoas quedan tamén rexistradas no caderno de viaxes de Ribadeo”.
A concelleira de Turismo indicou que “estamos verdadeiramente contentos do número de visitantes que estamos a recibir, e desexámoslles que disfruten e que sigan elexindo Ribadeo como destino”. E engadiu que “non só son turistas os que pasan por Ribadeo, senón que unha parte destes viaxeiros son peregrinos que fan o Camiño Norte. Estiveron a chegar uns 15 diarios, que proceden na súa maioría de Alemaña, Francia e Reino Unido”. En canto aos turistas que elixen Ribadeo para pasar uns días de vacacións proceden, por este orde, de: Madrid, Castela-León, Euskadi, Cataluña, Galicia e Asturias”.
Ana Martínez aludiu a que “o buque insignia de Ribadeo segue a ser a praia das Catedrais, a pesares de non formar parte do Top ten da Xunta. Este areal sí que é un dos primeiros referentes do noso país”.
O Concello de Ribadeo puxo en marcha neste verán varias iniciativas destinadas ao turismo. Ademáis da credencial do viaxeiro ribadense, os que se achegan á vila poden disfrutar dun bus turístico, que os leva a percorrer varios puntos de interés; contan tamén por terceiro verán consecutivo cun bus que os leva ata as praias do Concello, e hai tan só uns días poñíase en marcha o taxi turístico, que ofrece tres rutas aos visitantes, por Ribadeo, pola Mariña Oriental e Central e polo Occidente asturiano.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
