A DEPUTACIÓN DE LUGO APROBA AS SUBVENCIÓNS DE 630.000 EUROS PARA CLUBS DEPORTIVOS
Este investimento permite conceder axudas aos 67 concellos da provincia e a 602 clubs e asociacións deportivas en 2012
Antonio Veiga expuxo que “houbo un aumento moi grande de solicitudes debido á falta de apoio da Xunta de Galiza ao deporte de base”
“A Deputación de Lugo é das que máis inviste en deporte no Estado español” sinalou Veiga
Lugo, 20 de xullo de 2012. O vicepresidente da Deputación de Lugo, o nacionalista Antonio Veiga, informou, na rolda de prensa posterior á Xunta de Goberno celebrada hoxe, da aprobación das subvencións de deporte en concorrencia competitiva por valor de 630.000 euros destinadas aos concellos e a asociacións para a promoción e organización de actividades deportivas, tanto competitivas como non competitivas, así como para a mellora de instalacións e equipamentos e material deportivo no caso dos concellos.
Nesta convocatoria destaca o incremento do número de solicitudes recibidas tanto desde os concellos como desde os clubs deportivos con respecto a 2011. Veiga explicou que “desde as administracións locais recibíronse 113 solicitudes fronte as 113 presentadas o ano pasado, pero a pesar de dito incremento os 67 concellos da provincia recibirán esta axuda, ben sexa con carácter anual ou para a realización dalgún evento concreto. En total percibirán subvencións valoradas en 130.000 euros coas que poderán facer fronte aos gastos correntes e á adquisición e mellora dos equipamentos que require a práctica deportiva. Este aumento de solicitudes, pero moito máis significativo, tamén se rexistrou desde os clubs deportivos, que pasaron de solicitar 520 axudas en 2011 a 602 en 2012, entre os que se repartiron 500.000 euros este ano, exactamente a mesma cantidade que o ano pasado xa que mantivemos o noso apoio ao deporte de base lucense.”
Desde a Vicepresidencia da Deputación fanse dúas lecturas destas cifras. Segundo Antonio Veiga “é consecuencia do retraso por parte da Xunta de Galiza á hora de convocar estas axudas e ao feito de que se saltaron unha convocatori e demostra que os clubs lucenses teñen confianza no apoio que reciben da Área de Deporte da Deputación, xa que todas as solicitudes que se presentan se axustan ás bases da convocatoria son atendidas. Mantemos unha política de apoio ao deporte de base lucense que choca frontalmente coa política da Xunta de Galiza, quen pon enriba da mesa unhas cantidades exiguas e realiza manobras como saltarse unha convocatoria vía decreto”.
“Non é casual –insistiu Veiga- que a Vicepresidencia da Deputación invista máis que o executivo autonómico no deporte de base. Entendemos que o deporte de base é un dos piares do benestar dunha sociedade e por iso tratamos de poñer os cimentos desde abaixo, apoiando a todos os clubs e asociacións deportivas que promoven a actividade física e deportiva nas comarcas lucenses”.
Antonio Veiga destacou que “segundo un informe anual que elabora a revista “Deportistas” (á que se pode acceder online seguindo esta ligazón http://www.munideporte.com/imagenes/revistas/ficheros/03969E9A.pdf ) a Deputación de Lugo é, exceptuando os cabildos insulares e as deputacións forais, que teñen outro réxime orzamentario diferente, a Deputación do Estado que máis inviste en deporte por habitante, datos que corroboran o que vimos de afirmar no que respecta ao apoio ao deporte lucense”.
Estas subvencións outórganse en base a criterios obxectivos e nunha mesa de valoración formada un membro de cada unha das tres forzas políticas con representación na Deputación de Lugo e por funcionarios.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
