Dende a Executiva Municipal do PSdeG-PSOE queremos denunciar o feito de
que o goberno municipal do PP está a poñer todos os impedimentos que tén ao
seu alcance para frear as iniciativas culturais que non son do seu agrado.
E queremos poñer o exemplo do V Seminario de Jazz, co cal o Concello, non
só non colabora de ningún xeito, se non que nin tan sequera é capaz de ceder
gratuitamente as instalacións municipais para que se desenvolva unha das
iniciativas musicais de máis éxito dentro e fóra do Concello. Proba este éxito o
feito de que este ano se superan os 60 matriculados, número suficiente de
persoas, ao noso entender, para que se lles preste a atención necesaria dende
o Concello de Burela.
Deste xeito, manifestamos sentir vergoña do noso goberno municipal porque
todas esas persoas e os 7 profesores de grande éxito que os acompañan (máis
os dous profesores coordinadores do seminario) teñen que usar as instalacións
dun colexio público de Burela para aforrar o diñeiro que o Concello cobra polo
uso das instalacións. Consideramos que, xa que o goberno municipal non
colabora facendo un convenio coa organización do Seminario, polo menos, non
debería ocasionar gastos. Isto parécenos aínda máis grave porque sabemos de
agrupacións e asociacións ás que non se lles cobra por usar as instalacións
municipais, o que non sabemos é o motivo.
Rematamos xa felicitando á Asociación Amajazz, grazas á cal este Seminario e
aínda hoxe posible e segue a medrar, polo seu tesón e insistencia, posto que
así conseguiron o apoio da Área de Cultura da Deputación de Lugo, cubrindo
así o oco que o Concello de Burela deixou. E tamén queremos animar, unha
vez máis a que, como mínimo o Sr. Alcalde e a Sra. Pedre, Concelleira de
Cultura, se dignen a aparecer por algún dos moitos concertos que o Seminario
de Jazz ofrece na nosa vila. Así coñecerían de que se trata ese famoso
Seminario e o motivo de que teña tanto éxito
O PSOE de Burela asegura que o goberno municipal do PP está a poñer impedimentos para frear iniciativas culturais que non son do seu agrado
Relacionado
-
O PPdeG esixe revisar as axudas ao gasóleo do sector agrícola e pesqueiro e aos fertilizantes
-
O BNG propón un modelo turístico sostible e diversificado que aproveite as potencialidades de Galiza para xerar riqueza
-
Balseiro defende que se revise o veto á pesca de fondo no Atlántico nororiental en apoio ao palangre
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
