Partido Popular vs democracia
Reducir o número de deputadas e deputados que compoñen o Parlamento de Galiza vulnerará gravemente democracia. Unha democracia xa ben cativa, reducida a un nivel testemuñal, polo uso totalitario dunha maioría absoluta que pende dun só deputado.
A pretensión de Feijóo pon en evidencia dúas cousas. En primeiro lugar que o Partido Popular non cre nin na democracia nin no autogoberno do noso país. Só así se pode entender unha medida, que malia o seu cariz populista e demagóxico, enfeblecerá e devaluará inda máis a cámara galega. E en segundo, demostra medo. O PP teme, con moita razón, que a súa política de demolición e de recortes antisociais ademais de provocar unha importante resposta social, con grandes procesos mobilizadores, vai camiño de se traducir nun cambio electoral que o desaloxaría da Xunta.
Dada a distribución provincial das e dos deputados, o sistema d’Hont para a asignación de escanos e o 5% de porcentaxe mínima esixido para optar a representación, a redución no número de escanos o único que producirá é o reforzo da minoría maioritaria, isto é o PP, que ficaría sobrerepresentada en detrimento das demais forzas.
Para demostrar o anterior tan só hai que facer unha extrapolación matemática. Partindo dos mesmos resultados electorais, en número de votos e a súa distribución provincial, dos comicios autonómicos de 2009, pasando de 75 a 60 deputadas e deputados o PP obtería 31, o PSdeG 20 e o BNG 9. Isto é, que co mesmo número de votos o PP incrementaría nun 1% o seu número de cotas, blindando a súa maioría absoluta malia obter menos votos que o PSdeG e o BNG, e o Bloque vería reducida a súa representatividade nun 1%. Os mesmos votos para uns valerían máis e para outros menos. Un atropelo que desvirtúa a representatividade democrática e que castiga ás opcións non maioritarias, limitando seriamente que a pluralidade social estea reflectida na cámara lexislativa galega.
Así mesmo de levarse a cabo esta reforma, poranse novos atrancos ao acceso ao Parlamento doutras forzas políticas, xa que a un menor número de actas maior será a porcentaxe mínima necesaria para optar a un deputado ou deputada. Isto provocaría que se puidese dar o caso de que unha ou máis forzas malia superar a barreira antidemocrática do 5% (imposta por Fraga) quedasen sen representación parlamentaria.
Revitalizar o Parlamento e a democracia -no plano institucional- no noso país, esixiría dunha mudanza no senso contrario. Reducir a barreira de entrada, ou mesmo eliminala, adoptar o sistema proporcional directo para a distribución de escanos e optar pola circunscrición autonómica, en lugar da provincial. Mais iso esixe un compromiso real coa democracia e o autogoberno. O Partido Popular sinxelamente non o ten. O único que queren é asegurar a súa vitoria inda que sexa mudando as regras de xogo con trucos e trampas que conculquen a vontade popular.
Xabier P. Igrexas
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
