Cuberta a metade das prazas para navegar de balde nos veleiros que participarán na III Peregrinación Marítima
– Mañá rematará o prazo para participar gratis na 3ª edición desta iniciativa, podendo reservar aínda unha das derradeiras localidades no 982-13-36-09 e nauticofoz@gmail.com
– Ducias de persoas poderán navegarán nun máximo de 20 veleiros, sumándose ás reivindicacións da Deputación e do Club Náutico de Foz pola mellora das instalacións portuarias, o mar lucense e o Camiño da Costa para xerar riqueza na Mariña
En só dous días, cubriuse a metade das prazas dispoñibles para participar de balde na III Peregrinación Marítima de Cruceiros pola Costa de Lugo, que terá lugar este sábado 28 de xullo na Mariña. Un total de 20 persoas xa solicitaron navegar gratis nun dos veleiros que participará na 3ª edición desta iniciativa coa que a Deputación e o Club Náutico de Foz reivindican a mellora das instalacións portuarias, o mar lucense e o Camiño da Costa con fin de impulsar a economía da provincia. O prazo de inscrición para viaxar gratis nesta andanza remata mañá, polo que os interesados poden facerse cunha das últimas prazas, poñéndose en contacto co Club Náutico de Foz ben chamando ó teléfono 982-13-36-09 entre as 17:00 e as 20:00 horas, ou enviando un email a nauticofoz@gmail.com e dando os seus datos.
A participación tamén é libre e gratuíta para os veleiros que queiran estar presentes nesta peregrinación. Ata o momento, 14 navíos procedentes de Xixón e Luanco, ademais de Ribadeo, Viveiro e Foz, xa formularon a súa solicitude. Hai que ter en conta que, tamén neste caso, a cota de prazas é limitada a 20. Isto é debido ás características das instalacións do porto de Foz de pequenas dimensións. As persoas interesadas en levar os seus veleiros teñen que descargar o formulario correspondente en www.cnfoz.es para logo remitilo, coa fotocopia do seguro de embarcación, a nauticofoz@gmail.com ou ó fax 982-13-36-09.
Evento reivindicativo
O Deputado de Economía do Coñecemento, Emprendedores e Innovación, o focense José Ramón Val Alonso, liderará este evento turístico–deportivo co que a institución lucense, en colaboración co Club Náutico de Foz, aproveita os recursos naturais e as alternativas de ocio na provincia, para impulsar a economía lucense e reivindicar a mellora das instalacións portuarias, o mar lucense e o Camiño da Costa. Val Alonso subliñou que “coa terceira edición da Peregrinación Marítima, queremos facer fincapé na imprescindible mellora das instalacións portuarias lucenses para xerar riqueza nunha provincia con máis de 100 quilómetros de costa coma Lugo. Temos que ter en conta que o turismo náutico é unha actividade con moitas oportunidades económicas, xerando ó ano preto de 250 millóns de euros e dando emprego a case 2.300 persoas en costas como a de Baleares. Lugo atópase unha situación única xa que ó carón da nosa costa, concretamente pola Estaca de Bares, discorre o tráfico marítimo de Europa. Nembargantes, as nosas instalacións portuarias non son suficientes”.
O porto de Ribadeo, con bandeira azul e Q de calidade, é de difícil ampliación. Na actualidade está cuberto ó 100%, ó igual que acontece co porto deportivo de Viveiro, habendo centos de embarcacións á espera dun amarre. Pola contra, as instalacións de Foz, situadas nunha cidade con ampla proxección turística, son de pequenas dimensións, ó igual cas de Burela e San Cibrao, pero con posibilidade de ampliación. “Por este motivo, demandamos á Xunta de Galicia, administración con plenas competencias na materia, que execute o proxecto de mellora do porto focense, unha iniciativa coa que se comprometeu pero que nunca realizou a pesares das reiteradas reclamacións do Club Náutico de Foz, a Confradía de Pescadores ou desta Deputación”, remarcou o Deputado.
Portos de Galicia prometeu dragar o canal e as dársenas do peirao deportivo de Foz e ata chegou a anunciar un investimento de 300.000 euros para estes traballos. Malia e isto, o departamento do Goberno galego pospuxo estas actuacións en varias ocasións, situándoas agora no horizonte do 2013. Neste senso, o Presidente do club mariñán, Francisco Fernández Rego, indicou que “é fundamental, polo menos, dragar de xeito inmediato as dúas dársenas para que as embarcacións entren ó porto de Foz xa que hoxe non ten calado suficiente e estas apoian non solo”, ó tempo que salientou o “caracter reivindicativo desta peregrinación e o potenciar do turismo náutico na Mariña”, remarcando a “necesidade de mellorar as instalacións focenses canto antes”.
Desenvolvemento do evento
A III Peregrinación Marítima terá lugar o sábado, 28 de xullo, coa saída das embarcacións dende os principais portos deportivos da provincia: as do oeste dende Viveiro e as do este dende Ribadeo. A flota do oeste partirá ás 10:30 horas dende o porto de Viveiro e ás 13:30 farano os veleiros da zona este dende Ribadeo. No primeiro dos casos, deberán pasar entre as 12:45 e as 13:30 horas a carón da boia situada nos Farallóns de San Cibrao, e entre as 14:45 e as 16:00 horas pola afincada fronte á praia de Arealonga e punta Fazouro. Pola súa banda, os navíos que saian de Ribadeo terán que transcorrer pola boia de Illa Pancha entre as 14:00 e as 15:00 horas, e pasar o segundo control fronte ás praias de San Cosme e Punta Promontorio. Unha hora máis tarde, as 16:00 horas, dende o Porto Chico partirán nunha “zodiac” os inscritos para navegar gratis nun dos veleiros para desplazalos ás embarcacións.
Unha concentración de embarcacións fronte á Ría de Foz, á altura da praia da Rapadoira, unha vez que cheguen todos os veleiros, será a que dará paso, ás 17:00 horas, o comezo da regata. Esta rematará sobre as 19:30 horas, momento de entrada dos veleiros no porto de Foz. Finalmente, ás 21:00 horas no CENIMA, todos os participantes serán agasallados con diversos obsequios institucionais. Ademais, os primeiros tres clasificados da regata recibirán trofeos conmemorativos. O domingo, día 29 de xullo, as embarcacións sairán ás 12:00 horas cara ós seus portos de destino.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
