A VICEPRESDIENCIA DA DEPUTACIÓN REMITIRÁ UNHA CARTA Á DIRECCIÓN DE FEVE SOLICITANDO O MANTEMENTO DAS LIÑAS DE CERCANÍAS DE GALIZA
Antonio Veiga insiste en que “o ferrocarril é vital para a vertebración da Mariña” e asegura que “ a súa supresión afectará de xeito especial ao turismo”
O vicepresidente da institución provincial pide “responsabilidade e altura de miras” a todas as forzas políticas para conseguir que FEVE modifique a súa proposta
“Suprimir servizos ferroviarios na Mariña é situar a comarca 50 anos atrás”
Lugo, 27 de xullo de 2012. O vicepresidente da Deputación de Lugo e delegado das áreas de Benestar Social e Deporte, o nacionalista Antonio Veiga, informou, na rolda de prensa celebrada trala Xunta de Goberno de hoxe, que enviará unha carta á dirección de FEVE solicitando o mantemento das liñas de ferrocarril que pasan pola Mariña ao entender que son “fundamentais” para a vertebración da comarca.
Dende a vicepresidencia non se entende que a empresa pública FEVE teña previsto reducir, a partir do mes de outubro, as dúas liñas con máis usuarios: a que sae de Ferrol ás 8:10 horas e chega a Oviedo ás 14:30 horas e a que sae de Oviedo ás 7:45 horas e chega a Ferrol ás 14:10 horas. Para Antonio Veiga, “os plans de FEVE deixarán case incomunicada á comarca; no primeiro caso porque non funcionará ningún traxecto entre Viveiro e Ribadeo ata as 12:19 horas e, no segundo, porque non haberá comunicación entre as 6:50 horas e as 14:45 horas. Acontece o mesmo coa proposta para os meses da tempada de verán, na que se contempla a supresión da liña que sae de Ferrol ás 10:30 horas e chega a Ribadeo ás 13:25 horas, así como a que sae de Ribadeo ás 14:45 horas con chegada a Ferrol ás 17:40 horas. En calquera dos casos parece que o obxectivo de FEVE é rematar cun medio de transporte de vital importancia para o desenvolvemento económico e social da Mariña, xa que un dos sectores que se verá máis afectado será o turístico”.
Veiga critica a política do Partido Popular “centrada en facer todo o contrario do que precisa a Mariña e interesa aos seus veciños e veciñas. O máis convinte para todos sería mellorar e ampliar a oferta ferroviaria e non suprimir liñas, máis cando FEVE se atopa nunha situación inmellorábel para dar saída á produción da factoría da Alcoa”.
Ante esta situación, dende a vicepresidencia da Deputación de Lugo piden aos responsables de FEVE que expliquen os motivos polos que noutras zonas do Estado, como Asturias ou Cantabria, se están reforzando os servizos ferroviarios mentres en Galiza se pensa en suprimilos.
“Os axentes sociais, económicos e políticos da Mariña debemos dar unha resposta unánime a este problema. É o momento de que todas os representantes políticos actuemos con responsabilidade e altura de miras, sacando o tema do debate partidista, porque a supresión da conexión en ferrocarril sería situar á Mariña 50 anos atrás” – concluíu Antonio Veiga.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
