O CONCELLO INICIARÁ DE XEITO INMEDIATO A OBRA DE MELLORA DA ESTRADA PRINCIPAL DE CORDIDO CON AGLOMERADO EN QUENTE
.- O Goberno municipal acondicionará máis de 1.500 metros cadrados desta vía o que beneficiará dun xeito directo aos máis de 200 veciños deste burgo.
.- A actuación non terá ningún custe para a Facenda local posto que se executará con cargo ao fondo autonómico de compensación ambiental procedente do canón eólico da Xunta.
.- Fernández Manín espera que Val Alonso se poña ao carón do Concello logo de solicitarlle á Deputación o equipo de rego asfáltico para acondicionar estradas do medio rural .
Foz, 31 de xullo de 2012.- O edil delegado de Medio Rural, Mar e Obras do Concello de Foz, Pedro Fernández Manín, deu a coñecer hoxe que o Goberno municipal ten previsto iniciar de xeito inmediato a obra de mellora da estrada principal da parroquia de Cordido. Deste xeito a administración local acondicionará máis de 1.500 metros cadrados desta vía, que constitúe o punto de acceso principal á parroquia de Cordido desde a estrada Lu- 162 (Ferreira do Valadouro – Cangas de Foz ). Os máis de 200 veciños desta parroquia beneficiaranse de xeito directo desta actuación promovida polo actual Goberno local que contribuirá a mellorar a seguridade e calidade viaria no interior deste burgo rural de Foz.
Fernández Manín lamentou no que a estradas se refire, que o anterior Goberno municipal socialista mantivera no total esquecemento á parroquia de Cordido e non iniciara -xa no pasado- esta actuación. “Pese a que daquela o PSOE xestionaba un Concello en tempos de bonanza económica, de grandes plans de obras públicas –como o Plan E- no que , sobre o papel se dicía que ia haber unha actuación e nada fixeron, e agora cando as arcas do concello están valeiras, tivo que chegar un Goberno do PP para corrixir esta inxustiza e executar esta obra tan necesaria”.
O concelleiro do Medio Rural e Mar, tamén explicou que a mellora e acondicionamento da estrada principal de Cordido non terá ningún custe para a Facenda local posto que se executará con cargo ao fondo autonómico de compensación ambiental, isto é, financiándoa a través do instrumento posto en marcha polo Goberno galego para o reparto do canón eólico. A Xunta de Galicia apoia economicamente aos concellos galegos, como o de Foz, que son os que deciden a que actuacións concretas destinan este financiamento.
Por outra banda, Pedro Fernández Manín, amosouse convencido de que o edil e Deputado Provincial socialista Ramón Val Alonso, se situará do lado do Concello e apoiará a solicitude efectuada polo Goberno local para que a Deputación de Lugo preste o equipo de rego asfáltico, tal e como está facer noutros municipios da provincia. De acadar a posta a disposición destes medios por parte de Excma. Deputación de Lugo, o Concello de Foz aportaría o persoal e o material, e desta forma podería executarse o plan que pretende o Goberno local e que suporía a mellora e acondicionamento de varias estradas nas parroquias do rural, máis en concreto, as vías de concentración en Vilaronte, San Martiño e Santa Cilla que se encontran nun estado lamentable.
Fernández Manín espera que desde o Executivo provincial sexan sensibles a esta petición e cumpran a súa obriga fundamental: a cooperación, asistencia e apoio aos concellos lucenses con menos de 20 mil habitantes.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
