Unhas 450 persoas participaron nas Noites Alternativas que se clausuraron onte co torneo de baloncesto 3×3
-O programa incluíu competicións deportivas e actividades lúdicas para todos os públicos
Cervo, 10 de agosto de 2012-As finais do torneo de baloncesto 3×3 e a entrega de medallas desta competición puxeron o punto e final ás Noites Alternativas deste verán 2012. O torneo comezaba o pasado martes e, dende entón ata o xoves, estivéronse disputando os distintos encontros. Esta actividade foi a máis multitudinaria do programa, con 34 equipos inscritos e uns 150 xogadores.
Ao remate dos enfrontamentos tivo lugar a entrega de medallas aos primeiros, segundos e terceiros de cada categoría, un acto no que estiveron presentes o alcalde de Cervo, Alfonso Villares, a edil de Deportes, Yolanda Pedreira e o edil de Seguridade Cidadá, José Ramón Soto.
O programa Noites Alternativas encheu de deporte e entretemento as horas nocturnas de cervenses e visitantes durante preto dun mes, dende mediados de xullo a mediados de agosto. En total participaron nelas unhas 450 persoas, que acudiron aos torneos de fútbol praia, fútbol sala 3×3 e baloncesto 3×3, así como actividades lúdicas como a noite de orientación ou a noite do patín.
Sen dúbida, os torneos foron os actos que contaron con máis afluencia, tanto de participantes como de público, nos que decenas de persoas se achegaban noite tras noite aos puntos nos que se disputaban os encontros, como foron a praia do Torno e a praza dos Campos, para presencialos e animar aos xogadores e xogadoras. En canto aos participantes, ían dende a categoría sub 10 ata os sénior, demostrando unha boa acollida por parte de todas as idades.
“As Noites Alternativas cumpriron varios obxectivos, os mesmos para os que foi creado este programa, como son ofrecer alternativas de lecer nocturno á rapazada, á mocidade a aos adultos e fomentar o dinamismo do concello animando as noites de verán e mantendo un ambiente de convivencia e diversión” explica a edil de Deportes, Yolanda Pedreira. “Era moi agradable saír á rúa e atopar a tanta xente animada e expectante durante os torneos” engade a edil, especialmente nestas noites de verán, “nas que as temperaturas foron agradables e o bo tempo animaba aínda máis á saír da casa” remata Pedreira.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
