Cervo, Alfoz e O Valadouro solicitan obradoiros de emprego para 60 desempregados
-O período formativo é de 6 meses combinando a cualificación profesional coa adquisición de experiencia laboral
Cervo, 8 de setembro de 2012-Os concellos de Cervo, Alfoz e O Valadouro veñen de presentar conxuntamente unha solicitude á Consellería de Traballo e Benestar para a concesión de obradoiros de emprego, acolléndose á convocatoria realizada polo departamento autonómico dirixida a todos os concellos galegos. En concreto, a petición inclúe módulos de instalación e mantemento de xardíns e zonas verdes; carpintería; e atención sociosanitaria e prevé a formación e capacitación profesional de 60 persoas desempregadas maiores de 25 anos. Nos últimos días o alcalde de Cervo, Alfonso Villares e os rexedores de Alfoz e O Valadouro, Emilio Losada e José Manuel Lamela respectivamente reuníronse para abordar os últimos detalles.
Os obradoiros de emprego están concibidos como programas mixtos de formación e emprego, de forma que se combina a súa cualificación profesional coa adquisición de experiencia laboral mediante a realización de obras ou a prestación de servizos de utilidade pública ou de interese social. Deste xeito, danse pasos no fomento da inserción ou reinserción laboral de persoas con formación anterior noutro campo de traballo ou sen formación específica en ningún eido.
Un dos aspectos a destacar é que unha vez rematado o período formativo, que dura 960 horas, as persoas participantes nos obradoiros poderán obter o certificado de profesionalidade, un título que será de moita utilidade na procura de emprego e que acredita ao posuínte de ter coñecementos suficientes para desenvolver un traballo nese ámbito laboral.
A unión de Cervo, Alfoz e O Valadouro á hora de presentar a solicitude responde aos requisitos fixados na convocatoria, na que se establece que os concellos con menos de 500 parados deberán realizar unha solicitude única xunto a outros concellos, que deben ser limítrofes.
A Xunta ten previsto un orzamento de 10,5 millóns de euros para atender as demandas dos concellos galegos para a realización destes obradoiros. “Dende a Concellería de Traballo consideramos que os obradoiros de emprego son unha das accións máis frutíferas dentro das políticas activas de emprego, xa que permiten ao alumnado rematar cos coñecementos e experiencia necesaria para empezar a traballar na especialidade elixida” explica a edil de Emprego, Yolanda Pedreira.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
