O Concello reitera o seu apoio á viabilidade de Alcoa a través dunha proposta que se debaterá mañá en pleno
-Na sesión tamén se aprobará un protocolo de colaboración e coordinación entre a Garda Civil de Burela e a Policía Local de Cervo para a protección das vítimas da violencia de xénero
Cervo, 24 de setembro de 2012-O pleno da corporación que terá lugar mañá martes debaterá unha proposta de alcaldía que ratifica o compromiso do Concello de Cervo coa permanencia e estabilidade da planta de Alcoa na Mariña, e solicita á Xunta de Galicia e ao Goberno do Estado que sigan traballando para acadar unha tarifa eléctrica competitiva que garanta o mantemento de todos os postos de traballo na factoría.
Con esta proposta, o Concello atende a demanda realizada polo comité de empresa ás administracións para que manifesten o seu apoio á continuidade da fábrica na comarca e cunha carga de traballo que permita asegurar a actividade e os empregos actuais. A administración local secundara tamén a apagada eléctrica do pasado xoves convocada polo comité de traballadores co mesmo obxectivo de atopar unha solución ao conflito eléctrico.
“O Concello está cos traballadores de Alcoa e coa empresa dende o principio, por entender que a factoría ten que continuar en Cervo e na Mariña, onde é o sustento de milleiros de familias” asegura o alcalde, Alfonso Villares, que engade que “para nós, o primeiro é o benestar da veciñanza, e neste caso, ese benestar pasa polo mantemento dos postos de traballo e pola viabilidade dunha fábrica sen a que non se entende nin o pasado, nin o presente, nin o futuro da comarca”.
Protección das vítimas da violencia de xénero
Na orde do día do pleno tamén se inclúe a aprobación dun protocolo de colaboración e coordinación entre as Forzas e Corpos de Seguridade do Estado e a Policía Local para mellorar a atención e a protección das vítimas da violencia de xénero no municipio.
Este protocolo establece as acción específicas de colaboración que levarán a cabo os corpos implicados, neste caso a Garda Civil de Burela e a Policía Local de Cervo. Trátase de proporcionar ás vítimas unha resposta policial coa maior rapidez, eficacia, sensibilidade, calidade, e eficiencia na atención e protección evitando as actuación que supoñen un incremento da vitimización, como a duplicidade das intervencións.
Ademais, ambos corpos deberán coordinarse para proporcionar á vítima información clara e accesible e, ao mesmo tempo, facilitarán a transmisión interna de datos para a protección da muller. Outra das liñas é a coordinación e colaboración policial cos recursos públicos e non gubernamentais dedicados ao apoio xurídico e psicosocial da vítima.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
