A Mesa lanza unha campaña cos lemas “Alberto Núñez Feijóo non merece ser reelixido” e “Vota en galego”
Carlos Callón: “Feijóo e Mario Conde compiten entre si a ver quen despreza máis a lingua galega”
A Mesa pola Normalización Lingüística presentou esta mañá en Santiago de Compostela unha campaña en que lembra “os principais ataques contra a lingua galega durante o goberno de Núñez Feijóo” como “razóns elocuentes de que este home non merece ser reelixido”.
A vicepresidenta da Mesa, Susana Méndez, explicou que esta iniciativa estará conformada pola difusión “o máis masiva posíbel” de cartaces en que se sintetizan “algúns dos principais retrocesos para o noso idioma” por causa da Xunta, xa que “adianto non houbo ningún”. Ademais, A Mesa chama á cidadanía a que divulgue estes materiais a través das redes sociais, “para que non fique ningún recanto de Galiza ao que non chegue este material”.
Carlos Callón manifestou tamén a súa “preocupación” porque os candidatos Alberto Núñez Feijóo e Mario Conde “compitan entre eles a ver quen despreza máis a lingua galega”. “Non habería peor noticia para o noso idioma que ver que o 21 de outubro volva a saír ratificado como presidente da Xunta Alberto Núñez Feijóo, for en solitario ou cun bipartito con Mario Conde”, sinalou o portavoz da maior asociación cultural de Galiza.
Desde A Mesa lembran neste material que varios conselleiros do Goberno “despertaron vellos e malintencionados prexuízos” como que “a cultura galega limita” ou que “o galego pode ser un muro para o futuro”, ademais de ordenaren a maior destrución de libros de texto en galego “desde 1936”, un total de 190.000 exemplares que foron desbotados porque estaban escritos no noso idioma.
A asociación censura tamén o diñeiro e os esforzos institucionais que desde a Xunta presidida por Feijóo se destinaron a “atacar a lingua que nos une como galegas e como galegos”. Ante iso, conclúen que “o galego une e Feijóo separa”, motivo polo cal animan “a todas as persoas con sensibilidade polo noso idioma a que poñan todo o esforzo para botar fóra este goberno nefasto”. “Podemos descansar o 22 de outubro; antes, non”, finalizaron Carlos Callón e Susana Méndez.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
