O BNG ACUSA Á XUNTA DE DEIXAR Á MARIÑA SEN 100 MESTRES EN TRES ANOS A PESAR DO INCREMENTO DO ALUMNADO
Ana Ermida denuncia que “o Partido Popular está a sentar as bases para bater o récord de fracaso escolar na comarca”
“A política educativa dos gobernos populares é antipedagóxica, vulnera o dereito á educación de calidade e merma as condicións laborais do profesorado”
A nacionalista Dores Fernández resalta a importancia de reforzar o ensino no medio rural
Foz, 26 de setembro de 2012. As candidatas do Bloque Nacionalista Galego para os comicios do vindeiro 21 de outubro, Ana Ermida e Dores Fernández, xunto co portavoz nacionalista en Foz, Xan Carlos González Basanta, mantiveron un encontro con representantes das asociacións de pais e nais de alumnos da Mariña para valorar o impacto da política da Xunta de Galiza no eido da educación.
Redución de profesorado, aumento de alumnos e alumnas por aula, eliminación de escolas unitarias, diminución de prazas de comedores e suba de taxas, é so unha parte do balance negativo que comparten BNG e ANPAs da Mariña sobre a política educativa do Partido Popular ao fronte do executivo autonómico durante a lexislatura que vén de rematar.
Segundo explicou Ermida “nesta comarca a reordenación educativa da Xunta supuxo 42 mestres e mestras menos durante o curso 2012-2013 con respecto ao anterior curso escolar, o feche de todas as ecolas unitarias, o que afectou a preto de 60 rapaces e rapazas, así como o agrupamento na mesma aula de escolares de entre 3 e 5 anos. Tanto o CEIP Castro de Ouro de Alfoz como o CEIP do Vicedo son claros exemplos da aplicación de todas estas medidas, as cales son totalmente contrarias ás que aconsellan os expertos e os organismos europeos”.
Para a candidata nacionalista “o Partido Popular está a sentar as bases para acadar, en pouco tempo, cifras rércord de fracaso escolar na Mariña. A calidade da educación estase resentindo ao igual que as condicións laborais do profesorado, que ten que impartir materias que nada teñen que ver coa súa especialidade e facelo en varios centros á vez. É inconcebible que, por exemplo, un mestre de educación física do IES da Pontenova teña que dar clase de matemáticas, ou o caso do IES de San Cibrao onde un mestre imparte ciencias sociais e música sen ser especialista. Os recortes da consellería de Educación son subxectivos, antipedagóxicos e minoran o dereito a unha educación pública de calidade.”
Pola súa banda, Dores Fernández, insistiu en que “é preciso priorizar o investimento en educación paran lograr unha sociedade competitiva e, ademais, hai que atender á diversidade, á integración social e actuar de xeito contundente contra o fracaso escolar. O Partido Popular está deteriorando a educación no medio rural e no BNG apostamos por todo o contrario por fomentar as potencialidades do noso rural, o cal non podemos ver como un lastre, senón coma unha oportunidade. Temos que pór en marcha medidas para reactivalo, fixar poboación nas aldeas e para iso o mellor é dotalas de servizos públicos de calidade e de oportunidades de emprego”.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
