GONZÁLEZ BARCIA E JOSÉ JUAN DURÁN ANALIZARON O DRAGADO DE MANTEMENTO QUE SE REALIZARÁ NO PORTO DE BURELA E O ESTUDIO BÁSICO PARA A PROLONGACIÓN DO ESPIGÓN QUE SEPARA A ZONA COMERCIAL DA PESQUEIRA. O ALCALDE VALOROU DE XEITO MOI POSITIVO O ENCONTRO DESTA MAÑÁ.
Burela, 3 de outubro de 2012. O alcalde de Burela, José Mª González Barcia, abordou co presidente de Portos de Galicia, José Juan Durán, cuestións coma o dragado de mantemento que se realizará no porto e o estudio básico para a prolongación do espigón que separa a zona comercial da pesqueira. O rexedor valorou de xeito moi positivo a xuntanza e as relacións fluidas que mantén o Concello con Portos de Galicia.
O rexedor sinalou que o motivo deste encontro “foi facer un seguimento das actuacións que está a levar adiante Portos de Galicia en Burela. E o balance é positivo e teño que destacar o interese que Portos ten por manter o porto de Burela en bó estado, nunhas condicións óptimas para que os armadores e os mariñeiros poidan traballar cómodos e cunha certa eficacia”.
Na xuntanza fíxose un repaso a varias actuacións que se levaron a cabo, se están a levar a cabo ou se están proxectando. José Mª González Barcia indicou que “vimos como funciona o operativo das oito cámaras de videovixianza que hai instaladas en todo o recinto portuario, dúas delas fixas e seis móbiles. Esto permite unha maior seguridade e serven de elemento disuasorio á hora de cometer pequenos furtos, etc”.
O alcalde de Burela relatou que “tamén estivemos a analizar e recibimos información sobre o dragado de mantemento que se vai facer no porto en Burela. É un dragado que se fai de forma periódica. Neste caso concreto debido ás correntes marinas se detectou a presenza de sedimentos nos dous laterais da fábrica do xeo e nunha zona próxima ás instalacións de Absa. De forma inmediata se acometerá ese dragado nos dous laterais da fábrica do xeo nunha superficie duns 1.000 metros cadrados cun volumen de residuos a retirar duns 5.000 metros cúbicos. Agora mesmo está na fase de catalogación ou concreción dos depósitos que están no fondo para proceder a elaborar o que é o plan de extracción e depósito dos mesmos”. González Barcia subliñou que “se gañará en calado e na maniobrabilidade dos propios barcos que atraquen nesa zona. E posteriormente se realizará o dragado nas inmediacións das instalacións de Absa, que ten máis ou menos as características que o anterior”.
O rexedor engadiu que “outra cuestión que se plantexou hai tempo e que se está a levar adiante por parte de Portos é elaboración dun proxecto básico para a prolongación do espigón que separa a zona comercial da zona pesqueira. Este espigón na actualidade ten 50 metros de largo e desde o sector se entende que se gañaría máis seguridade si se prolongase 20 ou 30 metros máis. Os estudios sobre o traballo do mar xa están feitos e agora se está a elaborar ese proxecto básico”.
José María González Barcia considera que “se trata de actuación importantes. A reunión foi fructífera xa que por unha parte se atenden as demandas do sector, representado por Absa e pola confraría de pescadores. O Concello está en contacto permanente co sector pesqueiro para transmitirlles a Portos cales son as necesidades e os problemas que se van platexando”. E recoñeceu que “hai un grande interese de Portos de Galicia en manter o porto de Burela en perfecto estado. A relación entre este organismo e o Concello é moi estreita, é prácticamente diaria e esto nos permite abordar os problemas e as necesidades tan pronto se plantexan e de forma inmediata buscar solucións”.
Tamén haberá unha Master Class sobre o prato protagonista da xornada impartida por Alejandro Méndez e Alejandro Ares, membros da Asociación de Cociñeiros de Lugo. Outra das actividades previstas é unha exhibición de cociña e degustación gratuíta de máis de 700 tapas elaboradas con ovo e chourizo. Ademais, ao longo do día haberá actuacións musicais, feira artesanal con varios postos de artesanía alimentaria na que se promocionarán os produtos locais, talleres de oficios artesáns, exhibición de coches clásicos e xogos tradicionais.
Expón ata o sábado as novidades para este outono/inverno, co catalogo modificado de forma considerable, reducindo algúns modelos da súa produción, asi como a presentación duns 100 diseños novos, modificando tamen os acabados finaiss incluíndo cor en todas as pezas (en alta temperatura) azul, azul turquesa, verde, laranxa…
A clínica focense comprométese coa entidade laranxa e segue garantizándonos o bo estado de saúde dos nosos dous planteis.
Na reunión tratáronse as principais necesidades do municipio e exploráronse posibles vías de colaboración desde a Xunta para levar a cabo iniciativas conxuntas, no marco do compromiso do Goberno galego co eido local.
Xunto aos asistentes estiveron o alcalde, Dani Vega, e a concelleira de Benestar Social, Elena Sierra, que lles agradeceron que escolleran a vila ribadense para a celebración deste encontro.
Á tarde foi a sesión regato nas Escolas vellas de Cervo da man de Caxoto coa colaboración de Tarabela Creativa e Airiños do Xunco. Pola noite foi a quenda da sesión Río para público adulto no local Social da asociación de veciños do Burgo de Trasbar da man de Dani Blanco.
Félix Jorquera entrevistou ao alcalde, Fran Cajoto; ao concelleiro de Relacións Institucionais, Comunicación e Coordinación de Axenda 2030, Carlos García; os presidentes do CB Celtas de Foz e do CD Foz, Carmen Alonso e Asier Burundarena; e á dona da cafetería Marexada, Palmira Andrade. Con eles fixo un balance do verán, que está a piques de rematar, e que foi moi positivo para Foz, segundo subliñaron os participantes, analizou os proxectos para os vindeiros meses e pulsou o deporte local.
