Doble tirada no campionato de bolos de Xove

XXIVª TIRADA DE BOLOS – XIIIª SUB 16 –  IVª LIGA FEMININA

(TEMPORADA  2012/2013)

Organiza:    Concellería de Cultura do Concello de Xove

Colaboran: IES Illa de Sarón de Xove

INCIDENCIAS DA   TIRADAS

(Campo M. Fútbol de Xove – Sábado, 27 de outubro 2012)

Club Social de Palmeiro – Domingo, 28 de outubro 2012

Debido á presenza do Club de Bolos Xove no Campionato de España Xuvenil, Femenino e Veteranos de bolos celtas celebrado hai uns dias no Concello de Tineo (Asturias), este fin de semana tivemos dúas tiradas, a de Xove (4ª no calendario) e a de Palmeiro (2ª no calendario), esta última é a que foi suspendida polo citado campionato e que recuperamos este fin de semana.

Liga Senior Masculina.- Apretada vai a clasificación nesta Liga despois de celebradas catro tiradas, con Arturo Vigo unha semana máis de líder, seguido moi preto por Sócrates Campo a dous puntos e con J. Rafael González terceiro a 6 puntos. Inda que xa empeza a haber diferenzas, polo momento non temos ningún xogador moi destacado, con varios dos principias favoritos nos postos de cabeza. Dentro do nivel que estamos a ver, salientar dous xogadores, Sócrates Campo  e Cristian Rodríguez: o primeiro está xogando cunha gran confianza e sendo moi regular; a  Cristian, xogador que tivo un excelente comportamento no citado Campionato de España, non o imos descubrir, pero dende logo apunta moi boas maneiras, e non nos cabe ningunha dúbida que vai ser unha das estrelas deste deporte.

Liga Senior Feminina.- Belén Meitín sigue unha semana máis líder, con 18 puntos, 3 máis que Concepción Piñeiro e 5 sobre Dolores Baño e Carmen Roca, a actual campiona. Nesta categoría está claro que van ser estas catro xogadoras as que se xoguen os postos de trunfo final; ás tres principias favoritas (Belén, Dolores e Carmen) uniuse este ano Concepción Piñeiro, quen baixo o noso punto de vista deu un salto de calidade e agora pódese equiparar perfectamente ás mellores.

Liga Sub 16.- Nesta categoría o trio dominador dos últimos anos sigue comandando. Dos tres de cabeza, a campiona dos dous últimos anos xa deixou moi claro que sigue a ser  a cabeza da batir, e Daniel López e Isaias Cardoso terán que pelexar moito se queren superar a Salomé ao final, inda que o dubidamos. Salomé é unha líder moi sólida, que xoga cunha gran seriedade e moita ambición.

A vindeira tirada vai ter lugar no Centro Social de O Cruceiro ESTE VINDEIRO SÁBADO 3 DE NOVEMBRO, a partires das 15:00 horas (3 da tarde).