DIA MUNDIAL DO NENO
A efeméride (11 de novembro) data de 1954, cando a Liga de Nacións, precedente das Nacións Unidas, establece que “a Humanidade débelle ós nenos o mellor que ten para ofrecer”. É un día consagrado á fraternidade e á comprensión entre os nenos, destinado a actividades para a promoción do benestar e os dereitos dos rapaces do mundo.
No verán de 1972 – hai xusto 40 anos – celebrárase en Foz a II Feira do Arte Popular Galego. Acudira a ela, amais dunha chea de artesáns individuais chegados de diversos puntos de Galicia a Cidade dos Muchachos, de Ourense, presentando un espectacular stand coa sección de artesanía da mesma no que, á vista do público, producían e vendían pezas de alfareiría, madeira torneada, serigrafía, coiro liso e repuxado, forxa, zocas, cestos, etc. instalando un despacho para o troco de moedas da Cidade (coroas) por pesetas. Era a primeira feira desa modalidade de Galicia, pioneira polo tanto e tivera, nas tres edicións que coñeceo, un éxito excepcional O coro de 60 voces do famoso colectivo gravara un peculiar disco coa colaboración de músicos tan prestixiosos coma o francés Frank Pourcel, que dirixe, entre outras, a canción “A Declaración dos Dereitos do Neno”, peza singular, que sen dúbida resume os postulados da filosofía que en boa medida inspirou a obra do Padre Silva, apóstolo na defensa e protección da infancia marxinada.. Di así: Artígo 1º: Tódolos nenos nacen libres e iguais no amor. – Artígo 2º: Todo neno ten dereito a esixir contas á Sociedade polo mundo que ésta lle preparou.-Artígo 3º: Todo neno é libre como o aire que respira, sempre que o aire non estea contaminado Artígo 4º: A verdade sae da boca dos nenos; todo neno ten o dereito de comunicar os seus pensamentos e opinións ós adultos que o arrodean. Artígo 5º: Tódolos nenos deben de pagar en prioridade ó tesouro familiar o seu imposto de amor.- Artígo 6º: Todo neno é libre de protestar polo traxe de mariñeiro que o obrigarán a vestir entre os cinco e catorce anos. Artígo 7º: Todo neno é inocente ata que sexa declarado culpable de chegar a home. – Artígo 8º: Todo neno é responsable dos futuros fillos do home que será un día.
Suso Fernández
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
