A Concellería de Igualdade convoca o VI Concurso de narración “Carta a un maltratador”
-O prazo para presentar os traballos está aberto ata o 23 de novembro
Cervo, 14 de novembro de 2012-O Concello de Cervo convoca un ano máis o Concurso de narración “Carta a un maltratador” coincidindo coa conmemoración neste mes de novembro do Día Internacional para a eliminación da violencia de xénero. A Concellería de Igualdade vén de facer públicas as bases do certame, dirixido a maiores de 12 anos empadroados no municipio cervense.
Os traballos que se poden presentar a este concurso deben ter formato de carta, escrita en galego, e o contido ten que estar referido á violencia de xénero e aos malos tratos no ámbito familiar, constituíndo a mensaxe que se queira transmitir a un suposto maltratador ou maltratadora.
O prazo para entregar as cartas remata o vindeiro venres 23 de novembro e poderán presentarse na Casa do Concello ou na Casa da Cultura sen existir un número limitado de cartas por persoa. Un xurado será o encargado de avaliar as cartas e de seleccionar á gañadora, cuxo autor recibirá un cheque valorado en 100 euros para gastar en establecementos do municipio. O fallo do xurado darase a coñecer no mes de decembro.
Este é o sexto ano que se convoca este certame, que segundo a edil de Igualdade ten un obxectivo “de sensibilización, concienciación e prevención da violencia de xénero, buscando a implicación social na loita desta lacra”. Pilar Armada anima aos cervenses a participar no concurso “expresando os seus sentimentos e as súas opinións buscando esa igualdade real que todos anhelamos”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
