CONCELLO E ACIA BURELA ENSINARÁN A POSICIONAR UN NEGOCIO EN GOOGLE MAPS CO OBXECTIVO DE QUE CHEGUEN A MÁIS CLIENTES POTENCIAIS.
Burela, 15 de novembro de 2012. O Concello en colaboración con ACIA Burela levará adiante unha iniciativa na aula da rede CeMIT para ensinar a posicionar un negocio en Google Maps e así chegar a máis clientes potenciais. Será a vindeira semana.
O vindeiro luns, a Delegación de Cultura e Educación poñerá a andar na aula CeMIT de Burela unha iniciativa dirixida aos de ACIA Burela. Mónica Pedre explicou que “Xeoposiciona o teu negocio na Internet nace dunha colaboración entre o Concello e ACIA Burela e pretende dar visibilidade aos negocios de Burela en internet”. A iniciativa levarase a cabo a través de dúas actuacións: unha charla e un curso. Na charla, que terá lugar o luns 26 de novembro de 21:00 a 22:00 horas, amosarase a posicionar un negocio en Google Maps e así poder chegar a máis clientes potenciais. O curso Creación dun blog para o teu negocio permitirá crear un blog en internet aos asistentes, ou sexa, crear unha sinxela páxina web na que mostrar novas sobre os seus negocios, actividades, promocións, fotos, etc… O curso terá unha duración de 8 horas, comezará o martes 27 de novembro e finalizará o xoves 13 de decembro e impartirase, tamén, en horario de 21:00 a 22:00 horas.
A Rede CeMIT da Xunta de Galicia configúrase como o instrumento fundamental para promover a alfabetización dixital da sociedade galega. Ten como obxectivo potenciar actuacións relacionadas co desenvolvemento da actividade económica, empresarial e da implantación dos servizos electrónicos, tutorizando á cidadanía con maiores dificultades e proporcionándolles os medios e ferramentas necesarios para poder formar parte activa da Sociedade da Información.
Para inscribirse ou para solicitar máis información sobre as citadas actividades poden dirixirse á Aula CeMIT de Burela sita na Casa da Xuventude – Rúa do Cancelo 1, a través da páxina web https://cemit.xunta.es/, ou enviar un correo electrónico ao enderezo: cemit.burela@xunta.es
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
