Logo de revisar a Xunta de Goberno
Candia critica a falta de priorización do gasto do Señor Besteiro, quen, nesta ocasión, destina 24 mil euros ao arranxo de dúas fontes en dous concellos da Mariña
. Lembra a Voceira dos populares que o Plan de Cooperación con Entidades Veciñais é un plan que o PP ven denunciando dende sempre por consideralo, entre outros, un programa público dirixido ao pago de obras solicitadas por edís socialistas
. Manifesta a popular que o feito de criticar o destino de 2 millóns de euros a este plan nunca foi un capricho do seu partido e proba diso vese na materialización dos feitos
. Candia insta a Besteiro a que antes de aprobar os orzamentos tome consciencia da situación económica na que estamos a vivir e lembra que a priorización do gasto é unha obriga para as administracións
Lugo 23 de novembro de 2012.- Logo de revisar a Xunta de Goberno de hoxe, a Voceira do PP na Deputación de Lugo, Elena Candia criticou ao Equipo de Goberno do Señor Besteiro por destinar preto 24 mil euros (4 millóns das antigas pesetas, ao arranxo de dúas fontes en dous concellos da Mariña; unha iniciativa que se engloba dentro do Plan de Cooperación con Entidades Veciñais.
“24 mil euros, preto de 4 millóns das antigas pesetas, para o arranxo de dúas fontes. No caso de Foz, o Señor Besteiro destina 11.083 euros para a captación e abastecemento dunha fonte, no lugar de Raulfe, e no caso de Viveiro, destinase 11.996.47 euros para a rehabilitación da fonte de Cadrón”-critica.
A Voceira dos populares é consciente de que todo o mundo quere ter un entorno bonito e agradable pero cando os recursos son limitados hai que priorizar nos accesos a vivendas que en moitos casos está en situación deficiente, ou en benestar, xa que o Equipo de Besteiro, destina menos aos concellos que ao arranxo dunha fonte que empregarán uns poucos veciños.
Elena Candia lembra que o Plan de Cooperación con Entidades Veciñais é un plan que os populares veñen denunciando dende sempre por consideralo, entre outros, un programa público dirixido ao pago de obras solicitadas por edís socialistas e manifesta que o feito de que sempre se criticase o destino de 2 millóns de euros a tal fin non é un capricho dos populares, xa que, de feito, a materialización dos feitos danos a razón.
Conclúe Elena Candia instando ao Señor Besteiro a que antes de aprobar os orzamentos tome consciencia da situación económica e lembra que a priorización do gasto é unha obriga para as administracións e máis neste momento, e non facelo, xustifca que os seus homólogos en Madrid, entendan que as Deputacións máis que unha administración necesaria, sexa un estorbo.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
