MULLERES MAIORES DE 80 ANOS QUE VIVEN SOAS, PERFIL DOS USUARIOS DO SERVIZO DE TELEASISTENCIA DOMICILIARIA CUXA CONTINUIDADE PON EN PERIGO O MINISTERIO DE SANIDADE, SERVIZOS SOCIAIS E IGUALDADE
O vicepresidente da Deputación asegura que se este servizo chega a desaparecer máis de 1.500 maiores lucenses quedarían totalmente desprotexidos
Lugo, 26 de novembro de 2012. O pleno da Deputación debaterá mañá unha moción presentada polo grupo de Goberno na que se insta ao Ministerio de Sanidade, Servizos Sociais e Igualdade a rectificar a súa decisión de retirar os fondos que, a través do IMSERSO, dedicaba ao cofinanciamento do servizo de Teleasistencia Domiciliaria, e no caso de que o Executivo central insista na súa postura, instar á Xunta de Galiza a habilitar unha partida orzamentaria que garanta a continuidade de dito servizo.
So na provincia de Lugo, o servizo de Teleasistencia Domiciliaria, cofinanciado pola Deputación nun 35 por cento, dá servizo a máis de 1.500 usuarios e usuarias que reciben atención continuada todos os días do ano. Segundo o vicepresidente e delegado de Benestar Social da institución provincial, Antonio Veiga, a decisión do Ministerio que dirixe a popular Ana Mato, “pon en perigo a atención a un grupo social cunhas características moi determinadas e que precisa dun coidado especial. A maior parte dos usuarios e usuarias do servizo de Teleasistencia Domiciliaria son mulleres, concretamente 1.269 das cales 939 viven soas e das que 815 son viúvas, e que na súa maioría superan os 80 anos. Trátase de persoas fráxiles que grazas á Teleasistencia Domiciliaria poden seguir vivindo no seu fogar, cos beneficios recoñecidos que iso supón e coa tranquilidade que lles proporciona que serán auxiliados ante calquera circunstancia adversa”.
Este programa está dirixido a persoas non dependentes, polo que de chegar a producirse a súa supresión quedarían “totalmente desprotexidos ao estar excluídos da Lei de Dependencia que tamén o Partido Popular está desmantelando”.
Dende a Área de Benestar insístese en que “máis alá das valoracións positivas realizadas polos usuarios es usuarias, os datos do propio programa avalan a importancia da súa continuidade”. Durante o ano 2011 a Teleasistencia Domiciliaria resolveu 780 emerxencias socio-sanitarias; a central de control recibiu un total de 34.298 chamadas e emitiu máis de 63.000 para comprobar o estado dos usuarios ou usuarias.
“Se o Ministerio de Sanidade, Servizos Sociais e Igualdade non está disposto a cambiar a súa posición sobre este tema, esperamos que a Xunta de Galiza se faga cargo do 65 por cento do custe do servizo, porcentaxe que o Goberno do Estado se nega a aportar. Esperamos que o Partido Popular rectifique e tome a decisión de non por en risco un servizo imprescindíbel para moitos maiores e que en ningún caso a solución que se adopte supoña unha carga económica sobre usuarios e usuarias”. – conclúe Veiga.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
