DANI MARTÍN: ‘ANTE ELPOZO TENEMOS MUCHO QUE GANAR Y POCO QUE PERDER’
O Burela FS Pescados Rubén volve cruzarse no periplo de Primeira cun dos grandes, un dos históricos, da elite do fútbol sala este sábado. “Temos moito que gañar e pouco que perder ante ElPozo. Puntuar sería unha inxección de moral” aseguraba con optimismo o ala-pivote Dani Martín, convencido de que “debemos render todos ao máximo para estar en disposición de sacar algo positivo. O equipo está subindo o nivel, xa se puido ver ante o Inter, e hai que manter esa liña”.
Despois do intensísimo encontro ante o Movistar e a cita co Melilla da Copa do Rei, o Palacio dos Deportes de Murcia recibirá a escuadra de Julio Delgado (18.00 horas). A única dúbida para mañá será Mimi, que non puido adestrar con normalidade por un golpe nun pé sufrido en Melilla.
Dende Arxentina, caras novas
O Burela FS Pescados Rubén terá novidades entre os seus efectivos a partir da próxima semana. Dende Arxentina chegaron esta mañá á Mariña os irmáns Matías e Gabriel Edelstein, procedentes do Hebraica da Primeira División, para adestrar co conxunto laranxa ata o 21 de decembro.
“O noso soño dende nenos foi dedicarnos profesionalmente ao fútbol sala e o Burela FS brindounos a posibilidade de coñecer a mellor liga do mundo” explicaba o ala-peche Gabriel, de 24 anos, puntualizando “sempre xogamos xuntos e poderemos vivir a experiencia en España tamén xuntos”. “Agradecémoslle a oportunidade ao Burela FS e estamos seguros de que teremos un bo recibimento porque nós vimos dispostos a esforzarnos e axudar en todo o que o equipo e o club precisen” declaraba o máis novo dos Edelstein, o ala Matías, que aos seus 20 anos xa se estreou coa internacionalidade arxentina, na Sub-20.
Ambos os xogadores definíronse na pista “como solidarios cos compañeiros e co xogo colectivo”. Matías poderá achegar “técnica e ataque” e Gabriel “moita ida e volta e moita marca”.
FOTO: Os irmáns Gabriel (esquerda) e Matías (dereita) Edelstein
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
