Cervo prepárase para un Nadal activo cargado de entretemento, obradoiros, música, maxia, deporte e actividades tradicionais
-Destacan as actividades novas e que dan continuidade ás iniciadas nestes últimos meses do ano, como o Un, dous, tres ou os obradoiros de teatro, que repiten pero nesta ocasión co temática de Nadal
Cervo, 30 de novembro de 2012-Unha quincena de actividades para público infantil, xuvenil e adulto conforman o programa de entretemento e lecer para este Nadal 2012. O Concello de Cervo vén de presentar o programa, que estará vixente dende este sábado ata o 5 de xaneiro e que inclúe actividades participativas, de entretemento e cunha forte compoñente festiva. O alcalde de Cervo, Alfonso Villares, a edil de Educación e Igualdade, Pilar Armada e a de Cultura, Begoña Alonso, deron a coñecer o cartel que se está distribuíndo polo municipio para fomentar “a participación nun programa que deseñamos buscando que fose variado, completo e con actividades atractivas e adecuado á época festiva do Nadal” explica Armada.
A maior parte delas levan tempo formando parte do programa despois do seu comprobado éxito, converténdose en tradicións, como é o caso do belén de plastilina que realizan os nenos e nenas. Aínda así, tamén hai novidades, como a recreación do Un, dous, tres…responda outra vez, especial Nadal.
Actividades infantís e xuvenís
Os eventos e iniciativas dirixidas a nenos e mozos teñen moito protagonismo co obxectivo de encher de actividade as fins de semana de decembro e especialmente as vacacións e festivos escolares. O programa empeza este sábado co belén de plastilina, unha actividade moi tradicional na que participarán os nenos e nenas que o desexen e que serán os encargados de elaborar as distintas figuras que caracterizan o nacemento. Primeiro será na Casa do Concello ás 11:00 horas e pola tarde, ás 16:30 horas na Casa da Cultura de San Ciprián.
Algunhas das actividades programadas dan continuidade a unha liña de entretemento infantil iniciada no Outono Cultural. É o caso dos obradoiros de panxoliñas e teatro de Nadal, que van na mesma dirección que o taller impartido no mes de novembro e que finalizou a pasada fin de semana coa representación dunha obra diante do público. Naquela ocasión a peza era “A Quirica” e neste caso, os nenos e nenas terán que ensaiar cancións de Nadal e unha obra teatral relacionada con estas datas festivas. As clases desenvolveranse os días 15, 22 e 29 de decembro e a representación o 30 do mesmo mes.
Os pequenos e pequenas tamén dispoñen doutras moitas opcións para a diversión neste mes. Como o Peque Nadal, pensado para o alumnado do PAI e concibido como unha festa con disfraces relacionados con estas datas, que terá lugar o día 21; ou a Noiteboa infantil en Cervo, que inclúe xogos populares e outras sorpresas para a cativada o día 24.
Os Enredos de verán teñen tamén continuidade cos Enredos de Nadal, que manteñen a filosofía de obradoiros, xogos e outras actividades para nenos e nenas de 3 a 11 anos e que terán lugar os días 26, 27 e 28. Tamén haberá tempo para o teatro infantil con monicreques a cargo da compañía Mercromina, o día 29 no auditorio da Casa da Cultura. O festival acuático infantil tamén repetirá neste Nadal e con el, a piscina municipal converterase o día 4 de xaneiro nun centro de xogos. A cabalgata de reis, o día 5, é unha cita ineludible. As Súas Maxestades de Oriente chegarán a San Ciprián ás 18:30 horas e a Cervo ás 20:00 horas repartindo caramelos e larpeiradas e que rematará cun sorteo de premios da ACIA ás 21:00 horas.
Actividades para adultos
Unha das novidades no programa deste ano é a celebración do Un, dous, tres…responda outra vez especial Nadal. Esta é a segunda recreación que organiza o Concello deste clásico da televisión, aínda que nesta ocasión as preguntas, a escenografía e incluso as vestimentas dalgunhas das personaxes xirarán ao redor destas datas festivas. Será o 16 de decembro na Casa da Cultura de San Ciprián.
Outra das novidades é a Festa de Fin de Ano na discoteca Pasos, que terá lugar o día 31 a partir da medianoite co obxectivo de celebrar a chegada do 2013 con ambiente festivo e diversión. Como actividades habituais están o Festival da Unidade Pastoral (22 decembro), que comezará ás 17:00 horas, seguido da Tarde de Corais, ás 20:00 horas.
Para todos os públicos
A maxia ou o deporte tamén terán un oco neste programa. O Mago Teto estará o día 23 na Casa da Cultura para sorprender ao público cos seus trucos. Ao mesmo tempo, as persoas afeccionadas ao Pin Pon poderán practicalo e competir nun torneo que terá lugar o día 28 no pavillón da Veiga.
Unhas actividades postas en marcha coa colaboración do PAI, Airiños do Xunco, Asociación Península da Paz, as ANPAS do concello, a Asociación A Fervenza de Sargadelos, a Coral Terramar, ACIA San Ciprián, Unidade Pastoral de Cervo e o Club de Tenis de Mesa San Ciprián, entidades ás que o Concello agradece a súa participación.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
