CHRISTIAN: ‘O DE GÁLDAR VAI SER O NOSO PARTIDO’
Despois dun duro inicio, con sete difíciles xornadas nas que para a familia laranxa medraron máis as espiñas que as flores, aproxímase a verdadeira liga do Burela FS. Este sábado, Vista Alegre inaugurará unha nova etapa competitiva coa visita doutro novel na elite, o Colegios Arenas Gáldar Gran Canaria (18.30 horas). Así o asegura o ala mariñán Christian Chao, convencido de que o traballo burelista terá axiña a súa recompensa: “O do Gáldar vai ser o noso partido, merecémolo. Sempre demos a cara, sobre todo na casa, pero ata o momento pagamos a inexperiencia de Primeira e o calendario non nos axudou demasiado” destacou o xogador o everest ante Barça, Inter e ElPozo.
O viveirense incidiu na transcendencia da cita ante os canarios, aos que tamén lles está custando adaptarse a Primeira, aínda que, como nota positiva, xa conseguiron puntuar (Puertollano 3-1 e Manacor 2-2): “É un partido crucial, de máis de tres puntos, cun rival directo ao que coñecemos ben de tempadas anteriores; a partir de agora tan só podemos reducir distancias”. “Xogámonos moito, somos conscientes. Eles virán moi motivados porque despois desta xornada terán que medirse aos grandes; non obstante, nós xa demostramos que somos un equipo que gañou en madureza tras o parón e este é o noso momento” explicou con optimismo Christian.
“Dende que estou no club tiven moi bos momentos coa afección, pero nunca sentín o apoio tan incondicional coma no último partido na casa, co Inter, aplaudíndonos durante todo o último minuto” dixo agradecido o mariñán, que asegurou que “o equipo está pelexando moi duro para sacar algo positivo, un obxectivo no que a bancada de Vista Alegre é moi importante”. “Co Gáldar poderemos dar a primeira alegría para a afección e para nós; isto daranos forza para continuar co soño do Burela” expresou con emoción Christian.
Tamén haberá unha Master Class sobre o prato protagonista da xornada impartida por Alejandro Méndez e Alejandro Ares, membros da Asociación de Cociñeiros de Lugo. Outra das actividades previstas é unha exhibición de cociña e degustación gratuíta de máis de 700 tapas elaboradas con ovo e chourizo. Ademais, ao longo do día haberá actuacións musicais, feira artesanal con varios postos de artesanía alimentaria na que se promocionarán os produtos locais, talleres de oficios artesáns, exhibición de coches clásicos e xogos tradicionais.
Expón ata o sábado as novidades para este outono/inverno, co catalogo modificado de forma considerable, reducindo algúns modelos da súa produción, asi como a presentación duns 100 diseños novos, modificando tamen os acabados finaiss incluíndo cor en todas as pezas (en alta temperatura) azul, azul turquesa, verde, laranxa…
A clínica focense comprométese coa entidade laranxa e segue garantizándonos o bo estado de saúde dos nosos dous planteis.
Na reunión tratáronse as principais necesidades do municipio e exploráronse posibles vías de colaboración desde a Xunta para levar a cabo iniciativas conxuntas, no marco do compromiso do Goberno galego co eido local.
Xunto aos asistentes estiveron o alcalde, Dani Vega, e a concelleira de Benestar Social, Elena Sierra, que lles agradeceron que escolleran a vila ribadense para a celebración deste encontro.
Á tarde foi a sesión regato nas Escolas vellas de Cervo da man de Caxoto coa colaboración de Tarabela Creativa e Airiños do Xunco. Pola noite foi a quenda da sesión Río para público adulto no local Social da asociación de veciños do Burgo de Trasbar da man de Dani Blanco.
Félix Jorquera entrevistou ao alcalde, Fran Cajoto; ao concelleiro de Relacións Institucionais, Comunicación e Coordinación de Axenda 2030, Carlos García; os presidentes do CB Celtas de Foz e do CD Foz, Carmen Alonso e Asier Burundarena; e á dona da cafetería Marexada, Palmira Andrade. Con eles fixo un balance do verán, que está a piques de rematar, e que foi moi positivo para Foz, segundo subliñaron os participantes, analizou os proxectos para os vindeiros meses e pulsou o deporte local.
