Os populares critican a falta de implicación do rexedor local no fomento da economia municipal
O PP local pídelle ao alcalde mindoniense que realice as compras do consistorio en negocios do municipio
Os populares denuncian que o rexedor local non sexa quen nin de solicitar orzamentos a negocios da propia localidade sobre o custe do produto que pretende mercar
Os populares recórdanlle ao Orlando González que a economía local precisa axuda e os negocios deben ter, como mínimo, a oportunidade de ofertar os seus produtos
Os populares tachan de “lamentable” a despreocupación que o nacionalista profesa cara os veciños e esíxenlle, polo tanto, que corrixa a súa forma de actuar
Mondoñedo, 5 de novembro de 2012- O Partido Popular de Mondoñedo esíxelle ao alcalde da localidade, o nacionalista Orlando González, que corrixa a súa forma de actuar e realice as compras do consistorio en negocios municipais ou que polo menos sexa quen de solicitarlles o orzamento sobre o custo do produto que pretende mercar. Os populares trasladan esta petición logo do pago dunha factura superior a 4.500 polo subministro de rodas a un taller de Ribadeo, sen pedir orzamento en tendas locais.
Os populares tachan de “lamentable” a actitude do rexedor local que, segundo a consulta feita dende o Partido Popular a varios establecementos, non está nin a preguntar sobre o prezo, en negocios locais, dos utensilios que procura mercar. E máis tendo en conta que por exemplo, no caso sinalizado dos talleres, o municipio conta cunha ampla oferta, de ata seis establecementos que poden ofertar o citado produto.
Dada esta situación, a portavoz do PP en Mondoñedo, Elena Candia, recórdalle a Orlando González que a economía local precisa axuda e polo tanto, os negocios do municipio, “deben ter como mínimo a oportunidade de ofertar os seus produtos”. Así, Candia engade que o deber dun xestor é o de procurar o “mellor para o seu pobo”, culminando actuacións que repercutan positivamente na economía local, polo que lle esixe “que corrixa a súa forma de xestionar”.
Para a popular, actitudes como as amosadas polo nacionalista só evidencian a “despreocupación” do alcalde de cara Mondoñedo e aos seus veciños, xa que non só “desoe as súas peticións”, senón que ata se esquece “da existencia de tendas locais que poden cubrir as demandas do Concello”.
A popular fala da necesidade de activar a economía local e de dinamizar o municipio e, polo tanto, de procurar accións cunha clara repercusión reactivadora de Mondoñedo. Porén, todo parece indicar, segundo explica Candia, que a Orlando González non lle preocupa esta situación e que coa súa xestión está a conseguir “o contrario” do que debe perseguir un “bo rexedor”.
Polo tanto, dende o PP denuncian esta situación froito da falta de implicación de Orlando González co fomento da economía local e pídenlle que rectifique a súa actitude, tendo en conta aos negocios municipais.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
