Tra-la negativa do Goberno Municipal de debatir a moción popular
O Bipartito riotortense non quere que se remate a estrada Riotorto -Marco de Alvare
. Os populares pídenlle ao Equipo de Goberno que explique por qué non quere que se rematen as obras
. Alcalde e tenente de alcalde negáronse a debater a moción presentada polos populares na que se demandaba á Deputación que procederá na maior brevidade posible a reanudar as obras da estrada Riotorto-Marco de Álvare
. Os populares solicitaron esta mañá, no rexistro do Concello, a celebración dun pleno extraordinario para obrigar ao Equipo de Goberno a debater a súa moción
. O PP de Riotorto denuncia a pasividade por parte do Goberno municipal, quen elude os problemas e necesidades dos veciños
Riotorto 5 de decembro de 2012. O PP de Riotorto denunciou hoxe a pasividade por parte do Bipartito riotortense, quen quere que non se remate a estrada Riotorto-Marco de Alvare; outro feito máis no que demostra que as preocupacións e necesidades dos veciños non lle importan.
“Levamos alertando e denunciando dende hai tempo que a Deputación de Lugo ten paralizadas as obras deste vial. “A gota que colma o vaso” ven agora, cando alcalde e tenente alcalde se negan a debater a moción que presentamos para que o Organismo Provincial reanudase as obras da estrada Riotorto-Marco de Alvare”-manifesta o PP.
Os populares afirmaron que o día 27 de novembro rexistraron unha moción na que se instaba ao Ente provincial a que reanudase as obras de mellora na maior brevidade posible e a que readmitise este acordo a tódolos grupos políticos da Deputación.
“O día 28 de novembro o rexedor fixo a convocatoria do pleno ordinario do 3 de decembro e non meteu na orde do día a moción. O PP intentou meter na sesión plenaria deste luns, día 3 de decembro, por vía de urxencia, a moción, pero non foi debatida porque o BNG e PSOE non quixeron introducila como asunto a debater.
Debido a esta negativa, o PP de Riotorto solicitou esta mesma mañá no rexistro do Concello a celebración dun pleno extraordinario para obrigar ao Equipo de Goberno a debater a súa moción.
Os populares afirman que esta é unha mostra máis de que ao Equipo de Goberno de Riotorto non lle interesa que se rematen as obras da estrada Riotorto-Marco de Alvare e pídenlle que explique o por qué.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
