O BNG DA MARIÑA PARTICIPOU NA CONCENTRACIÓN CELEBRADA EN BURELA EN CONTRA DOS RECORTES DO PARTIDO POPULAR
Antonio Veiga insiste na importancia de seguir dando unha resposta unánime ás políticas antisociais dos gobernos central e galego
A Mariña, 20 de decembro de 2012. Representantes do Bloque Nacionalista Galego (BNG) da Mariña, encabezados polo responsábel comarcal da formación, Antonio Veiga, secundaron a concentración convocada por Alianza Social Galega en Burela para amosar o rexeitamento dos mariñáns ás políticas antisociais que están pondo en marcha os gobernos central e galego.
Para Veiga “os recortes en educación, sanidade e dependencia, as baixadas salariais, a suba de impostos e taxas, e a privatización de servizos, evidencian a faceta máis reaccionaria do Partido Popular cuxo obxectivo é lograr uns obxectivos selectivos pensados para os colectivos con máis recursos económicos. Se Rajoy e Feijóo teiman en apostar pola consecución do déficit cero e en aplicar este tipo de medidas para logralo, a economía entrará nunha espiral de decrecemento da que custará décadas saír”.
Dende a formación nacionalista insístese na importancia de que a sociedade continúe dando unha resposta unánime ás políticas antisociais que crean máis paro e pobreza e siga mobilizándose. “O Partido Popular vive alleo á realidade, desoe as demandas dos cidadáns e négase a apoiar iniciativas lexislativas populares; o único que nos queda é seguir saíndo á rúa para protestar” – sentenciou o responsábel comarcal.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
