O VINDEIRO LUNS CÚMPRESE O CENTENARIO DO NACEMENTO DE FRANCISCO FERNÁNDEZ DEL RIEGO. ESE DÍA EMPEZARÁN EN VILANOVA DE LOURENZÁ OS ACTOS CONMEMORATIVOS ORGANIZADOS POLO CONCELLO PARA HOMENAXEAR AO ILUSTRE INTELECTUAL, QUE CONTINUARÁN DURANTE TODO ESTE ANO.
Lourenzá, 3 de xaneiro de 2013. O Concello de Lourenzá organizará durante este ano 2013 diferentes actos para conmemorar o centenario do nacemento do ilustre intelectual Francisco Fernández del Riego, que se cumpre o vindeiro luns, día 7 de xaneiro. Con este motivo ese día haberá varias actividades, que anunciou hoxe a alcaldesa Emma Álvarez Chao.
A rexedora lembrou que Fernández del Riego “foi un persoeiro clave na historia da cultura galega contemporánea. Dende novembro do ano 2001 ten o recoñecemento de fillo predilecto do noso concello. Don Paco pertenceu á xeración de intelectuais que xurdiron arredor do grupo Nós. Durante a República foi membro do Seminario de Estudos Galegos e tamén do Partido Galeguista. Xunto con Ramón Piñeiro foi un dos principais impulsores da Editorial Galaxia, que foi fundada no 1950, dirixiu a revista Grial, ingresou na Real Academia Galega no ano 60 da que foi presidente a partir de 1997. Foi literato, escribiu tamén sobre cultura, editou antoloxías poéticas, libros de vocabulario, incluso un gran número de artigos poéticos é biografías. Tamén é autor de dous libros das súas memorias: El río del tiempo, do ano 91, e outro que publicou o 2004 a Editorial Galaxia baixo o título Camino andado”.
Por todo isto dende o Concello de Lourenzá o vindeiro luns, 7 de xaneiro, “queremos telo presente no noso recordo celebrando actos conmemorativos do centenario do seu nacemento. Así celebrarase ás sete da tarde na igrexa de Santa María de Valdeflores unha misa homenaxe para deseguido facer unha ofrenda floral diante do seu busto, que está colocado na praza do Conde Santo. Ao seu remate proxectaremos o documental sobre Fernández del Riego elaborado pola Televisión de Galicia titulado Pegadas na memoria no salón de actos da Casa do Concello. Estas actividades están abertas a todo público e facemos un chamamento a todos os veciños para que participen na lembranza deste laurentino ilustre”, anunciou a alcaldesa.
Emma Álvarez tamén comentou que “o aprecio que lle ten o noso pobo a don Paco, a un dos seus fillos máis distinguidos, non só se plasmou co seu recoñecemento co fillo predilecto no ano 2001, pois unha das rúas do casco urbano leva o seu nome, a súa casa natal luce unha placa de homenaxe, foi pregoeiro da Festa da Faba e na vixésima edición deste evento, no ano 2011 (o ano seguinte ao do seu pasamento) celebrouse unha homenaxe a título póstumo. Por outra banda, foi desde o propio balcón da casa consistorial de Lourenzá onde iniciou a súa actividade pública pronunciando nos anos 30 un discurso que nin a Guerra Civil, nin o réxime franquista conseguiron parar e izou a bandeira galega como reivindicación do galeguismo, que durante toda a súa vida defendeu”.
Por estes motivos o equipo de goberno rexistrou hoxe unha moción para declarar 2013 como o ano de Francisco Fernández del Riego por coincidir co centenario do seu nacemento e realizaranse a longo deste ano distintos actos de recordo ao que foi o primeiro fillo predilecto do concello.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
