HUGO: ‘CONFÍO EN QUE O AZKAR SEXA O PUNTO DE INFLEXIÓN’
O Burela FS Pescados Rubén volve á competición estreando 2013 e renovando ilusións no primeiro derbi provincial da elite, con necesidade de puntos en ambos os flancos; os laranxas saltarán mañá á pista do Azkar Lugo, ás 21.15 horas, no municipal da cidade amurallada. Un gran coñecedor da estrutura transportista, Hugo Sánchez Flores (Lugo, 1989), xustifica que este pode ser o gran momento dos burelistas para cambiar o rumbo en Primeira: “Confío en que o Azkar sexa o punto de inflexión. O equipo está xogando ben, está competindo. A inexperiencia na categoría prexudicounos demasiado, pero creo que ante o Santiago (2-2), na última xornada, xa demostramos que aprendemos a controlar a ansiedade e nerviosismo dos minutos importantes; soubemos manexar mellor o partido e iso para nós é moi importante psicoloxicamente”.
“Será un partido moi aberto” adiantou o ala burelista, que chegou ás filas mariñás esta tempada dende Santa Coloma, facendo balance ademais do seu acomodo na costa luguesa: “Estou disputando minutos, e minutos importantes, iso é de agradecer, aínda que tamén me gustaría participar máis no aspecto finalizador”.
Hugo destacou a xuventude e traballo do Azkar, na undécima praza (7 puntos) e tamén falou das súas armas:“Tiven a oportunidade de velos no último partido, ante o Zaragoza (4-4), e gustáronme moito”, apuntou Hugo, incidindo nas virtudes do rival: “É un equipo alegre, con xente moi nova, ao que lle gusta correr e que se alimenta do contraataque. De todos os xeitos, nós témolo claro, debemos frear o xogo co que se senten cómodos, evitando as contras e obrigándoos a ter máis posesión do balón para marcar os tempos do encontro” explicou o xogador laranxa.
“Para min será un partido moi especial; vai gustarme moito xogalo. Xa tiven a oportunidade o ano pasado con Marfil, pero desta vez chegarei orgulloso de xogalo defendendo as cores dun club galego e da provincia para ser o rival dun equipo que me deu moito, e ao que creo que tamén lle dei, e dunha estrutura na que entrei xa aos 6 anos” falou con emoción o lugués do club onde medrou.
Hugo tamén valorou o animado desprazamento do venres tanto da peña A Pataca Naranxa, con máis de 150 socios, coma de moitos outros afeccionados burelaos: “Creo que o apoio da nosa afección se vai facer notar, e moito; isto podería cambiar a dinámica do partido. O equipo non compite igual fóra e estar arroupados polos nosos seareiros repercutirá beneficiosamente na nosa actitude e ambición”. “Ao estar tan preto e rodeados dos nosos laranxas, teremos certo sentimento de equipo local” concluíu o ala burelista.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
