Igualdade convoca o Campionato de Tute e Parchís para mulleres en todas as parroquias cervenses
-O torneo comezará o día 4 de febreiro coas primeiras partidas
-Os enfrontamentos disputaranse nos centros sociais das parroquias así como na Casa da Cultura de San Cibrao e no Ecomuseo de Cervo e en cada local deberá haber un mínimo de tres parellas
-As mulleres que desexen inscribirse poden facelo ata o día 25 deste mes na Casa da Cultura ou nos cursos de memoria
Cervo, 14 de xaneiro de 2013-A Concellería de Igualdade volve convocar un ano máis o xa tradicional Campionato de Tute e Parchís para mulleres que se enmarca nas actividades previstas para conmemorar o Día Internacional da Muller Traballadora, que se celebra o 8 de marzo. Como é habitual, para participar é necesario inscribirse por parellas, podendo facelo só nun dos xogos de mesa ou nos dous. Para apuntarse poden poñerse en contacto coa Casa da Cultura ou nos cursos de memoria que se imparten en distintos puntos do municipio ata o 25 de xaneiro.
Esta iniciativa está programada para que se poidan xogar partidas en todas as parroquias, aínda que para constituír un grupo nunha parroquia terá que haber un mínimo de tres parellas inscritas. En caso de acadar este mínimo, organizaranse dúas fases: as semifinais, que se desenvolverán en cada parroquia; e as finais, na que as tres clasificadas de cada parroquia enfrontarase entre elas, iso si, as que quedaron primeiras coas primeiras, as que se clasificaron segundas xogarán con todas as segundas e as que se clasificaron terceiras nas súas respectivas parroquias enfrontarase ás demais terceiras. Deste xeito decidiranse as tres gañadoras de todo o concello.
As partidas disputaranse nos locais sociais no caso do rural, mentres a Casa da Cultura e o Ecomuseo serán os lugares onde xogar no caso de San Cibrao e Cervo respectivamente. Unha vez realizadas as inscricións realizarase un calendario de enfrontamentos, que comezarán o día 4 de febreiro. O día culminante será o 9 de marzo, cando se entreguen os trofeos ás tres primeiras parellas clasificadas no campionato de tute e ás tres vencedoras do torneo de parchís.
A edil de Igualdade, Pilar Armada, asegura que esta actividade vense celebrando dende hai moitos anos como iniciativa previa á conmemoración do Día Internacional da Muller Traballadora “polo seu éxito de convocatoria e polo carácter de socialización que ten este evento, no que as mulleres se xuntan e aproveitan para atoparse e falar ao tempo que xogan e compiten por gañan o torneo”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
