Hoxe quéroche máis que onte pero menos que mañá; hoxe decataraste dunha corrupción que superará á de mañá. Mira que ben quedou a fraseciña e canta verdade acabo de escribir sen propoñermo. Recoñezo que me avergoña o que está pasando neste país de pandereta e chorizeo. Case ao mesmo tempo que escoito recortes, despedimentos, máis despedimentos, o duque em-pal-mado, o “non me consta” de Miss Cospedal, ou “a investigación está en marcha”, débedas millonarias da administración a pequenas empresas e autónomos, eternas listas de espera, veciños anónimos relatando verdadeiras traxedias domésticas, sen ter nin para pagar a luz, etc., etc., amencemos o día cos papeis secretos de Bárcenas, os soldos a os que mandan en negro e os seus insultantes cambalaches administrativos
Un todopoderoso na contabilidade do PP que presuntamente amparado polas primeiras espadas do partido da orde e respecto-, ese que tanto se queixaba de ZP, a Virxe do Rocío ou o carallo vintanove, ese que pasea aos seus raparigos con traxe e chaqueta escuro para darlle máis elegancia á súa impostura, está ata o carallo. O diario O País, pedazo de exclusiva, si señor, difúndeo a contabilidade; unha contabilidade chusqueira máis propia dunha tenda de aceite e vinagre que dun partido que pretende “e prometeu” acabar coa corrupción. E moito ollo porque xusto mentres, Mariano, Álvarez Cascos, Cospedal, Acebes e outros o levaban calentiño mes a mes, ano a ano. Tiraban da caixa porque as “pelas” non lles permitía chegar a fin de mes. Non teñen vergoña, non a teñen. Si a iso engadímoslle que na “ejemplar” contabilidade menciónase a construtores que en pago por favores prestados recibidos por Concellos, autonomías, etc., enchían as arcas do PP, o círculo péchase cunha indignación que a cidadanía non creo que estea por tolerar moito tempo máis. Isto estalará por algún sitio.
É verdade que xeneralizar é inxusto pero esperando estou que fagan público o listado de quen na cúpula do PP non comeron da man de Bárcenas. Iso sería noticia e ata para os honrados e supoño estupefactos militantes do PP que deben estar noqueados. Menos mal que aínda quedan papeis que nos abran os ollos porque unha sociedade sen prensa, sen xornalistas, é unha sociedade secuestrada, atada de pés e mans. Por iso debemos apoiar e sentirnos orgullosos da prensa que con mil erros, é verdade, aínda é capaz de xogarse o bigote e sacar a verdade documentada. Non falo, non, de opinadores; de charlatáns que de todo saben, non. Falo do auténtico xornalismo; o que está levantando as alfombras do partido das gaviotas. Diso falo.
Alfonso Otero Regal
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
