A Deputación ofrece gratis ós Concellos a revisión integral da facturación eléctrica para aforrar no gasto e evitar abusos das compañías.
O Presidente da Deputación de Lugo, José Ramón Gómez Besteiro, acompañado do director provincial de Fondos Europeos, Pablo Rivera, e do director da Axencia Provincial da Enerxía, Antonio Álvarez, anunciou este luns que o organismo provincial ofrecerá a 47 Concellos da provincia –os que se inscribiron no Club dos Renovables- asesoramento técnico para que obteñan o máximo aforro no gasto eléctrico e eviten posibles situacións de abuso por parte das compañías realizándolles un estudo personalizado e totalmente gratuíto sobre a facturación de todas as instalacións municipais. Con esta nova liña de cooperación cos Concellos, subliñou Besteiro, “na Deputación demostramos que somos capaces de artellar unha resposta rápida e eficaz” ante as irregularidades na facturación que denunciou hai tan só uns días a Federación Galega de Municipios e Provincias (FEGAMP).
Os Concellos que integran o Club dos Renovables beneficiaranse, deste xeito, dunha medida que a propia Deputación xa aplicou nas súas instalacións provinciais o ano pasado. Coa reforma do contrato coa empresa subministradora, o organismo lugués logrou reducir un 25% ó ano -123.000 euros- o gasto eléctrico.
Un dobre aforro
O Presidente explicou que os traballos acometeranse con fondos propios, pois ocuparase deles a Axencia Provincial da Enerxía, creada pola Deputación hai tres anos. Os Concellos que se sumen ó programa obterán un dobre aforro. Por un lado, asumindo os traballos de revisión e control da facturación, a Deputación evitaralle a cada Concello un gasto de uns 5.000 euros, pois este é o prezo que ten no mercado un estudo deste tipo. Deste xeito, se se sumasen á iniciativa os 47 Concellos do Club dos Renovables, o aforro global será de 230.000 euros.
Por outro lado, coa aplicación das recomendacións que recollerá o estudo, cada entidade local obterá un aforro inmediato de ata un máximo de un 20% ó ano na factura eléctrica. Deste xeito, un Concello medio da provincia con 5.000 habitantes, que paga ó ano 200.000 euros pola luz, poderá aforrar ata un máximo 40.000 euros.
O amplo estudo que realizará a Axencia Provincial da Enerxía abordará cuestións como as seguintes: se as condicións que ofrece a compañía ó Concello son as mellores do mercado, ou hai outras empresas con tarifas e servizos máis axeitados ás súas necesidades; se está pagando unha penalización ou recargo por non optar por unha compañía comercializadora do mercado libre; se a empresa lle está liquidando correctamente o imposto que lle ten que pagar polo uso do solo e o subsolo; se hai erros na factura (cálculo, aplicación de prezos…); se a tarifa aplicada se adecúa ó consumo real de cada subministro, ou se a potencia contratada se adecúa ó subministro, ou pode reducirse.
A Deputación remitiu hoxe mesmo cartas dirixidas ós 47 Concellos que integran o Club dos Renovables para informalos en detalle deste novo plan de aforro e propoñerlles que se adhiran. Para elo, terán que remitir a San Marcos antes do día 25 de marzo un formulario de adhesión cuberto. No caso de non recibir este documento no prazo mencionado, o organismo lugués entenderá que non están interesados en participar. Unha vez recibidos todas adhesións, arrancarán os traballos. A duración dependerá do número de Concellos que soliciten o servizo.
Unha nova vantaxe de ser Concello Renovable
O Club dos Renovables xurdiu o ano pasado tras ofrecerlles a todos os municipios da provincia outras iniciativas de aforro medioambiental. Sumáronse voluntariamente 47 Concellos de todas as cores políticas, é dicir o 70% dos da provincia.
Segundo recordou o director de Fondos Europeos, Pablo Rivera, o primeiro programa que a Deputación puxo en marcha para o Club dos Renovables “foron as auditorías gratuítas de eficiencia enerxética, que, por certo, estamos rematando”. Rivera indicou que a “estes municipios tamén lles proporcionaremos, a custe cero, os materiais e dispositivos necesarios para mellorar a eficiencia enerxética que determinen ditos estudos”, como lámpadas LED, válvulas termostáticas, programas de rego ou detectores de presenza. O análise da facturación é, por tanto, unha vantaxe máis de terse sumado ó Club dos Renovables. “Facendo as auditorías enerxéticas detectamos que os Concellos teñen problemas coa facturación, e non dispoñen de medios técnicos nin económicos para controlada, o que fai que moitas veces as compañías se aproveiten da súa posición dominante. Co asesoramento que lles prestamos agora satisfacemos unha necesidade que lles axudará a obter aforros importantes”, engadiu.
Os 47 Concellos do Club son os seguintes: O Incio, A Fonsagrada, Cervantes, Monterroso, Pedrafita do Cebreiro, Negueira de Muñiz, Pol, Samos, A Pontenova, Navia de Suarna, A Pastoriza, Becerreá, Viveiro, Ribas de Sil, Castroverde, Riotorto, A Pobra do Brollón, Ribadeo, Monforte de Lemos, Rábade, Abadín, Portomarín, Láncara, Meira, Trabada, Guntín, Barreiros, O Valadouro, Sarria, Palas de Rei, Baralla, Xove, O Vicedo, Sober, Quiroga, Friol, Guitiriz, Baleira, Bóveda, Burela, Cervo, O Corgo, Lugo, Mondoñedo, Paradela, O Saviñao e Triacastela.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
